மூதறிஞரை வெல்ல முயன்ற கலைஞர், கலைஞரை மிஞ்சும் மருத்துவர்: தமிழகத்தில் தமிழ் பேசும் தமிழர்களுக்கு, தமிழில் இல்லாத வார்த்தைகள் மீதுதான் அன்பு, காதல், போகம், பிணைப்பு, இணைப்பு எல்லாமே. ஆனால், திடீரென்று அவற்றை வெறுக்க ஆரம்பித்து விடுவார்கள். இது ராமசாமி நாயக்கர், அண்ணாதுரை, கருணாநிதி முதலியோர்களுக்கு வழக்கமாக இருந்து வந்தது.  இப்பொழுது ராமதாஸுக்கும் அந்த பித்துப் பிடித்து விட்டது போலும். ஆண்டுக்கு ஆண்டு, வார்த்தைகளுக்கு, புதிய வியாக்ரானம் / விளக்கம் கொடுத்துக் கொண்டிருக்கிறார். பிரிவினைவாதங்களை வைத்துக் கொண்டு, பிழைப்பு நடத்தி, மக்களை மயக்கப் பார்த்தது பாமக. ஆனால், ராஜதுரோகக் குற்றட்திற்குள்ளாவோம் என்று பயந்து, அண்ணாதுரையைப் போல, அமைதியாக கொள்கைளை மாற்றிக்கொண்டனர்.

சங்கராச்சாரியார், ரஜினிகாந்த் இந்த இருவர்களால் தான் தமிழகமே கெட்டுவிட்டது: இப்படி ஒருமுறை பேசிக் கலக்கியுள்ளார் ராமதாஸ். அதாவது, தெய்வநம்பிக்கை இளைஞர்களிடம் இவர்களால்தான் வளர்ந்தது, அதனால் இவர்களை ஒழித்துக் கட்டவேண்டும் என்ற அளவிற்கு பேசினார். ரஜினி படங்களுக்கு எதிராக பிரச்சாரம் செய்து, தியேட்டர் முதலாளிகளை மிரட்டி எல்லாம் செய்து பார்த்தனர். ஆனால், நாத்திகத்தினால் கடந்த 60 ஆண்டுகளில் என்ன சாதிக்க முடிந்தது என்று இந்த பகுத்தறிவாளியால் சொல்லமுடியவில்லை.

திராவிட மாயையிலிருந்து என்று திராவிடர்கள் அல்லது தமிழர்கள் வெளிவரப்போகிறர்கள் என்று தெரியவில்லை: பி. ராமமூர்த்தி 1980களில் “ஆரிய மாயையா, திராவிட மாயையா” என்று திராவிட இயக்கத்தை விமர்சித்தார்[4]. குணா “திராவிடத்தால் வீழ்ந்தோம்!” என்று 1990களில் எழுதியுள்ளார்[5]. அப்பொழுது கருணாநிதி அவரை சிறையில் அடைத்தார். ஆனால், தமிழர்கள் அந்த மாயையிலிருந்து மீளவில்லை. திராவிட மாயையும் தொடர்ந்தது. “திராவிடம்” இல்லாமல் அரசியல் கட்சியே இல்லை என்ற நிலையில் தான் இருந்துவந்தது. பாரதிய ஜனதா, பாட்டாளி மக்கள், விடுதலை சிறுத்தைகள் என்று விரல் விட்டு எண்ணக்கூடிய அளவில் தான் “திராவிட” அடைமொழி இல்லாத கட்சிகள் தமிழ்நாட்டில் உள்ளன. “ஆரியர்” இனம் பொய், மாயை, கட்டுக்கதை என்றெல்லாம் மெய்ப்பிக்கப் பட்ட பிறகும், அந்த இனவாதம், இனவெறி, இனசெருக்கு, இனமாயை வாதங்களை வைத்துக் கொண்டு, திராவிட கட்சிகள் அரசியல் நடத்தி வருகின்றன. பணபலம் மிக்க வீரமணி கோஷ்டியர்கள் கூட கருணாநிதி-ஜெயலலிதா என்று மாறி-மாறி தங்களது திராவிடப் பற்றைக் காட்டிக் கொண்டிருந்தனர். மற்றவர்களுக்கு பணம், பதவி ஏதாவது கொடுத்தால் போதும், மாறிக்கொண்டேயிருப்பார்கள், மாற்றிக்கொண்டேயிருப்பார்கள்! கேட்டால் அரசியலில் இதெல்லாம் சகஜம், அரசியலில் நண்பனும் இல்லை-எதிரியும் இல்லை என்றெல்லாம் பேசுவார்கள். இனியேனும், உண்மையை அறிந்து தெளிவார்களா பார்ப்போம்!

வேதபிரகாஷ்

14-08-2011

சினிமாக்காரர்கள் என்ன வேண்டுமானாலும் பேசலாம் என்பதற்கு குஷ்பு மறுபடியும் உதாரணமமக உள்ளார். முன்பு கற்பு பற்றி பேசி, கலாச்சாரத்தை இழிவு படுத்திய அம்மணி இப்பொழுது, மக்களின் தேர்தல் முடிவுகளையும் இழிவு படுத்தி பேசியுள்ளது விநோதமாக உள்ளது. அதிமுக வெற்றி பெற்றதும், அதிர்த்து பிரச்சாரம் செய்த திரையுலகப் புள்ளிகள் திகைத்துள்ளன. சிலர் ராஜினாமா செய்துள்ளனர். சிலர் மறைந்துள்ளனர்; சிலர் தங்களுக்கு பாதுபாப்பு கேட்டு நடிக்கின்றனர்.

மக்களுக்குத்தான் தோல்வி: நடிகை குஷ்பு[1]: 13-05-2011, காலை 10.30 மணியளவில் கலைஞரை பார்க்க மு.க.ஸ்டாலின், ஆற்காடு வீராசாமி, நெப்போலியன், நடிகை குஷ்பூ ஆகியோர் வந்தனர். பின்னர் செய்தியாளர்களிடம் பேசிய நடிகை குஷ்பு,

“இது தி.மு.க.விற்கு ஏற்பட்ட தோல்வி அல்ல. மக்களுக்கு ஏற்பட்ட தோல்வி. அடுத்த 5 ஆண்டுகளில் அவர்கள் எவ்வளவு கஷ்டப்பட போகிறார்கள் என்பது அவர்களுக்கு தெரியவில்லை. தி.மு.க. கடந்த 5 ஆண்டுகளில் சிறப்பான திட்டங்களை வழங்கி மக்களை காப்பாற்றியிருக்கிறது. இதை அவர்கள் உணரவில்லை. ஸ்பெக்ட்ரம் வழக்கில் மீடியாக்கள் அதிகமாக விளையாடி விட்டன. இந்த வழக்கில் இருந்து தி.மு.க. மீண்டு வரும்”, என்றார்[2]. சில நாட்களுக்கு முன்புதான் கனிமொழிக்கு ஆதரவாக பேசினார்[3].

ஒரு பெண் என்ற முறையில் கனிமொழிக்கு இந்த நெருக்கடியான நேரத்தில் நான் ஆதரவாக இருக்கிறேன்[4]: ஒரு பெண் என்ற முறையில் கனிமொழிக்கு இந்த நெருக்கடியான நேரத்தில் நான் ஆதரவாக இருக்கிறேன் என்று கூறியுள்ளார் நடிகை குஷ்பு. இதுகுறித்து குஷ்பு கூறுகையில், “ஒரு பெண்ணாக, ஒரு தாயாக கடும் நெருக்கடியான சூழலை சந்தித்துப் போராடி வருகிறார் கனிமொழி. இதேபோன்ற சூழ்நிலையை நானும் சந்தித்துள்ளேன். கனிமொழி மிகுந்த மன உறுதி படைத்தவர். அவரும் இந்த சூழலைத் தாண்டி வருவார்.நிச்சயம் கனிமொழி எந்தக் காயமும் இன்றி பத்திரமாக திரும்பி வருவார். ஒரு பெண்ணாக இந்த சமயத்தில் நான் கனிமொழிக்கு ஆதரவாக உள்ளேன்”, என்றார் குஷ்பு[5].

சின்னத்திரை சங்கத்திலிருந்து ராஜினாமா செய்த குஷ்பு: இப்படி வீராப்பாக பேசினாலும், சின்னத்திரை சங்கத்தின் [Chinna Thirai Producers Council (CTPC)[6] ] தலைவி பொறுப்பிலிருந்து ராஜினாமா செய்திருப்பது[7] வேடிக்கைத்தான்! “ஷூட்டிங் செட்யூல்” அதிகமாக உள்ளது என்று காரணம் வேறு சொல்லியிருக்கிறார். திமுகவின் தோல்வி குறித்து ஆராய்ச்சி செய்யபோகிறாராம்[8]. பார்ப்போம் என்ன முடிவு சொல்லப் போகிறார் என்று.

சகநடிகையின் எதிர்ப்பு குரல்: இதற்கு விந்தியா கடும் கண்டனம் தெரிவித்துள்ளார்[9]. அவர் கூறுகையில், “குஷ்பு அரசியலில் பக்குவப்படாதவர் என்பதை நிரூபித்துள்ளார். மக்கள் தீர்ப்பே மகேசன் தீர்ப்பு. அந்த தீர்ப்பை குறை சொல்வதும் கேலி செய்வதும் குஷ்புவின் அறியாமையை காட்டுகிறது. சினிமாவுக்கு வந்ததில் இருந்து வாழ்க்கையில் ஏற்றங்களையே பார்த்து இருக்கிறார். சிறந்த நடிகை என்ற புகழ் கிடைத்தது. சிறப்பான வாழ்க்கையும் அமைந்தது. கஷ்ட நஷ்டங்களை சந்தித்தது இல்லை. இந்த தேர்தலில்தான் முதல் முறையாக தோல்வியைப் பார்த்திருக்கிறார் அவர். என்வேதான் அவரால் தாங்க முடியவில்லை. தமிழக மக்கள் ஒட்டு மொத்தமாக தி.மு.க. ஆட்சி போக வேண்டும் என வாக்களித்துள்ளனர். அப்படியெனில் அவர்கள் எவ்வளவு சிரமப்பட்டு இருப்பார்கள் என்பதை புரிந்து கொள்ள முடிகிறதா…. எல்லா தொகுதிகளிலும் கணிசமான ஓட்டுகள் வித்தியாசத்தில் அ.தி.மு.க. கூட்டணி வேட்பாளர்கள் வென்றுள்ளனர். அ.தி.மு.க.வுக்கு ஆதரவாக கண்ணுக்குத் தெரியாத பெரிய அலையே வீசி இருக்கிறது.

குஷ்புவின் ஆணவப்பேச்சு: இதை தவறான தீர்ப்பு என்பது ஆணவ பேச்சு. நான் தேர்தல் பிரசாரம் செய்தபோது மக்களிடம் எழுச்சியை காண முடிந்தது. ஜெயலலிதா முதல்வராகவும் விஜயகாந்த் எதிர்க்கட்சி தலைவராகவும் வருவது உறுதி என்று பேசினேன். அது நடந்துள்ளது. அ.தி.மு.க. வெற்றி பெற்றதை கட்சிக்காரர்கள் மட்டும் கொண்டாடவில்லை. மக்களே கொண்டாடுகிறார்கள். நிறைய வீடுகளில் பெண்கள் வெளியே வந்து பட்டாசுகள் வெடிப்பதை பார்க்க முடிந்தது. நான் மூன்று தேர்தல்களை பார்த்துள்ளேன். வெயில், கஷ்ட நஷ்டம் ஆகியவை எனக்கு பழகி விட்டது. குஷ்புவுக்கு அது தெரியாது. சினிமா உலகில் சந்தோஷமாக இருந்தார். முதல் தடவையாக தேர்தல் பிரசாரம் செய்து வெயில் கொடுமைகளை அனுபவித்தார். இதனால் தோல்வியை தாங்கிக்கொள்ள முடிய வில்லை. தப்புத் தப்பாக பேசுகிறார். அரசியலுக்கு வந்த பிறகு கட்டுப்பாடு வேண்டும். எது வேண்டுமானாலும் பேசக் கூடாது. குஷ்பு இதை உணர்ந்து செயல்பட வேண்டும்,” என்றார்.

குஷ்புவைக் கண்டித்து சென்னை உயர்நீதிமன்ற வக்கீல்கள் போஸ்டர்: திமுகவுக்கு இது தோல்வி அல்ல. மக்களுக்குத்தான் இதுதோல்வி. அடுத்த ஐந்து ஆண்டுகளுக்கு அவர்கள் கஷ்டப்படுவார்கள் என்று சாபம் விடுவது போல நடிகை குஷ்பு பேசியதைக் கண்டித்து சென்னை உயர்நீதிமன்ற வக்கீல்கள் போஸ்டர் அடித்து ஒட்டியுள்ளனர்[10]. சட்டசபைத் தேர்தலில் திமுக படு தோல்வி அடைந்தது குறித்து குஷ்புவிடம் போய் செய்தியாளர்கள் கருத்து கேட்டனர். பெண்களின் கற்பு குறித்து பேசி தமிழக மக்களிடம் வாங்கிக் கட்டிக் கொண்ட குஷ்பு அதற்குப் பதிலளிக்கையில், இது திமுகவுக்கு தோல்வியே அல்ல. உண்மையில் மக்களுக்குத்தான் தோல்வி. அடுத்த ஐந்து ஆண்டுளுக்கு அவர்கள் கஷ்டப்படுவார்கள் என்று மக்களைப் பழித்தும், சாபம் விடுவது போலவும் பேசினார் குஷ்பு. இதற்கு பல்வேறு தரப்பினரும் கண்டனம் தெரிவித்தனர். நடிகர் எஸ்.வி.சேகர், நடிகை விந்தியா ஆகியோர் கண்டனம் தெரிவித்திருந்தனர். குஷ்பு அடங்க வேண்டும் என்று விந்தியா காட்டமாக கூறியிருந்தார். இந்த நிலையில் சென்னை உயர்நீதிமன்ற அதிமுக வக்கீல்கள் பிரிவு சார்பில் கண்டனம் தெரிவித்து போஸ்டர் ஒட்டியுள்ளனர். அதில், நடிகை குஷ்புவுக்கு எச்சரிக்கை. தேர்தல் முடிவுகள் மக்களுக்கு தோல்வி என்று கூறி, 202 தொகுதி மக்களின் மன உணர்வுகளைப் புண்படுத்தி, பேட்டி கொடுத்த, நடிப்பில் காலம் சென்ற நடிகை குஷ்புவை மிக வன்மையாக கண்டிக்கிறோம் என்று அதில் கூறப்பட்டுள்ளது. உயர்நீதிமன்ற வளாகத்தைச் சுற்றி இந்த போஸ்டர்கள் ஒட்டப்பட்டுள்ளன.

கனிமொழியைக் காப்பாற்றுவது திமுகவை காப்பாற்றுவது: கற்பு பற்றி ஏடாகூடமாக பேசி, மழுப்பி, மன்னிப்புக்ல் கேட்டு, கோர்ட்டில் வழக்குகளை சந்தித்த குஷ்பு, இப்பொழுது, கனிமொழியை ஆதரிக்கிறேன் என்று கிளம்பியுள்ளார். திமுகவில் இருப்பதால், அத்தகைய நிலையை வெளிப்படுத்தியுள்ளதில், ஆச்சரியப் படுவதற்கு ஒன்றும் இல்லை. அதற்கு பெண்ணாக இருக்க வேண்டும் என்பதும் இல்லை. கருணாநிதியே, கனிமொழிக்ககக, திமுக எந்த அளவிற்கும் செல்லும், ஆதரிக்கும் என்று சொல்லியபிறகு, குஷ்பு தான் ஆதரிக்கிறேன் என்று சொல்வதில் எந்த முக்கியத்துவமும் இல்லை.

ஒரு பெண் என்ற முறையில் கனிமொழிக்கு இந்த நெருக்கடியான நேரத்தில் நான் ஆதரவாக இருக்கிறேன்[1]: ஒரு பெண் என்ற முறையில் கனிமொழிக்கு இந்த நெருக்கடியான நேரத்தில் நான் ஆதரவாக இருக்கிறேன் என்று கூறியுள்ளார் நடிகை குஷ்பு. இதுகுறித்து குஷ்பு கூறுகையில், “ஒரு பெண்ணாக, ஒரு தாயாக கடும் நெருக்கடியான சூழலை சந்தித்துப் போராடி வருகிறார் கனிமொழி. இதேபோன்ற சூழ்நிலையை நானும் சந்தித்துள்ளேன். கனிமொழி மிகுந்த மன உறுதி படைத்தவர். அவரும் இந்த சூழலைத் தாண்டி வருவார். நிச்சயம் கனிமொழி எந்தக் காயமும் இன்றி பத்திரமாக திரும்பி வருவார். ஒரு பெண்ணாக இந்த சமயத்தில் நான் கனிமொழிக்கு ஆதரவாக உள்ளேன்”, என்றார் குஷ்பு[2].
கனிமொழியை விட மோசமான சூழலை சந்தித்தவர் குஷ்பு[3]:  உண்மையில் கனிமொழியை விட மோசமான சூழலை சந்தித்தவர் இந்த குஷ்பு. தமிழ்ப் பெண்களின் கற்பு குறித்து விமர்சித்துப் பேசி தமிழக மக்களின் ஒட்டுமொத்த கொந்தளிப்பை சம்பாதித்தவர். அவருக்கு எதிராக தமிழகம் முழுவதும் வழக்குகள் தொடரப்பட்டன.  பின்னர் இந்த வழக்குகளை ரத்து செய்யக் கோரி உச்சநீதிமன்றத்தில் வழக்கு தொடர்ந்தார். இந்த வழக்கின் தீர்ப்பு வெளியாவதற்கு முன்பு காங்கிரஸில் அவர் சேரப் போவதாக தகவல்கள் வெளியாகின. ஆனால் தீர்ப்பு குஷ்புவுக்கு சாதகமாக வந்த அடுத்த நாளே அவர் அதிரடியாக திமுகவில் வந்து இணைந்து கொண்டார். அப்போது தலைமை நீதிபதியாக இருந்தவர் தற்போது சொத்துக் குவிப்பு உள்ளிட்ட சர்ச்சையில் சிக்கியுள்ளவரான கே.ஜி.பாலகிருஷ்ணன் என்பது குறிப்பிடத்தக்கது.

புவனேஸ்வரி, ஜெயலலிதா முதலியோரை ஏன் பெண்கள் என்று ஆதரிக்கவிக்ல்லை? இதே போல புவனேஸ்வரியை ஏன் ஆதரிக்கவில்லை என்று தெரியவில்லை. புவனேஸ்வரி விஷயத்தில், சினிமா துறையினர் மாறுபட்டு பிளவுண்டது அறிந்த விஷயமே. இன்று ஊழல் என்ற பிரச்சினையில், அதுவும் கோடிக்கணக்கில் நடந்துள்ள ஊழலில் சம்பந்தப்பட்டிருக்கிறார் என்பது ஞாபகத்தில் வைத்துக் கொள்ள வேண்டும். பெண்ணாக-தாயாக, எல்லா இந்திய பெண்களும் தான் அவதி படுகின்றனர். அவ்வாறிருக்கும் போது, கனிமொழியை ஆதரிக்கிறேன் என்பது அரசியல் தானொழிய, அதில் பெண் என்ற உணர்வு இருப்பதாகத் தெரியவில்லை.

குஷ்பு ராம்ஜெத்மலானியாக முடியாது: முன்னால் நீதிபதி பாலகிருஷ்ணன் இருக்கும்போது, நிச்சயமாக, குஷ்பு விஷயத்தில் சாதகமான தீர்ப்பு வழங்கப் பட்டிருப்பது தெரிகின்றது. இப்பொழுது, ராம்ஜெத்மலானி கனிமொழிக்கு வாதாட வந்திருப்பது கோடிகளில் உள்ள பிரச்சினையை, கோடிகளை வைத்து அடிக்க தயாராகிவிட்ட நிலையும் தெரிகிறது. ராசாவுடன் அந்த அளவிற்கு நெருக்கமாக இருந்தவிட்ட பிறகு, ராசாவையே கழட்டி விட்டு, கனிமொழிக்கு ராம்ஜெத்மலானி வாதிட்டிருப்பது, அவர் பெண் என்பதால் அல்ல, ஆனால், கோடிகளில் கிடைக்கும் என்ற உத்தரவாதம் தான். இதனால் தான், அவர் பி.ஜே.பி காரர் / மதவாத கட்சிக்காரர் என்ற பேச்சுகள் எல்லாம் இல்லாமல் போகிறது.

லெனின்மீது புகார் (30-12-2010): செந்தமிழ் மாநாட்டில் லெனின் பெயர் அடிபட்டது. அவர் பெயரைக் குறிப்பிட்டதே கோபால் தான்! அதற்குப் பிறகு காணாமல் இருந்த லெனின் மறுபடியும் பழைய கதையை அவிழ்த்து விட ஆரம்பித்துள்ளார். பதிலுக்கு நித்யானந்தா, ரஞ்சிதா, மா நித்ய சுப்ரியானந்தா முதலியோரும் புகார்களைக் கொடுத்துள்ளனர். இதெல்லாம் நித்யானந்தா, திருவண்ணமலைக்கு வந்தது, அப்பொழுது சில இயக்கங்கள் தர்ணா செய்தது, ஆஸ்ரமத்திற்குச் சென்று வழிப்படு செய்தது முதலியவற்றிலிருந்து தொடங்கியுள்ளது. பெரும்பாலான விஷயங்கள் ஏற்கெனெவே தெரிந்ததுதான், இருப்பினும் சில முரண்பாடுகள் தெரிகின்றன.

நடிகை ஜூஹி சாவ்லா, மாளவிகா ஆகியோர் பிறந்த நாள் வாழ்த்து கூறி ஆசிர்வாதம் பெற்றனர் (01-01-2011):. இதற்கிடையில், சாமியார் நித்யானந்தா தனது 39வது பிறந்த நாளை பிடதி ஆஸ்ரமத்தில் கோலாகலமாக கொண்டாடினார். அப்போது நடிகைகள் ஜூஹி சாவ்லா, மாளவிகா உட்பட சிலர் நித்யானந்தாவை தனியாக சந்தித்து வாழ்த்துகளை தெரிவித்து, ஆசீர்வாதம் பெற்றுள்ளனர்[1]. இவரது பிறந்த நாள் விழாவை “ஆனந்தோற்சவம் ” என்ற பெயரில் ஆண்டுதோறும் கோலாகலமாக கொண்டாடுவது வழக்கம். இந்நிகழ்ச்சியின் போது, நூற்றுக்கணக்கான பக்தர்கள் பிடதியில் கூடுவதுண்டு. இந்த ஆண்டு பக்தர்களின் எண்ணிக்கை குறைவாகவே இருந்தது.

நித்யானந்த-ரஞ்சிதா வீடியோவை நான் எடுக்கவில்லை லெனின் இப்பொழுது (ஜனவரி 2011) கூறுவது!: முன்பு லெனின் தான் கேமராவை மறைத்து வைத்து அத்தகைய வீடியோ காட்சியை படமெடுத்ததாக செய்திகள் வந்தன. ஆனால், இப்பொழுது, லெனின் அதனை மறுக்கிறார். “நித்தியானந்தாவும், ரஞ்சிதாவும் படுக்கை அறையில் இருந்த காட்சிகள் அடங்கிய வீடியோவை நான் எடுக்கவே இல்லை. எனக்கு வந்ததை நான் வெளியிட்டேன், அவ்வளவுதான்”, என்று கூறியுள்ளார் இந்த வீடியோ காட்சிகளை வெளியிட்ட லெனின் கருப்பன்[2]. அப்படியென்றால், யார் அந்த வீடியோவை எடுத்தது என்ற கேள்வி எழுகிறது.

கிருத்துவ மிஷனரி ஒன்று பின்னணியில் உள்ளது: ரஞ்சிதா, “நான் தொடர்ந்து லெனின் மற்றும் கிருத்துவ மிஷனைச் சேர்ந்த ஒரு நபர் இருவர்களாலும் மிரட்டப் பட்டேன், அச்சுறுத்தப் பட்டேன். நான் உயிருடன் வாழ விரும்புகிறேன். அதனால், அந்த பெயர்களைக் குறிப்பிடவில்லை. கருணாநிதி தனக்கு பாதுபாப்பு கொடுத்து காப்பாற்றுவேன் என்று உறுதியளித்தால் அந்த பெயர்களை வெளியிடுவேன்”, என்றும் சொன்னார்[3]. [“I was being blackmailed and threatened by the accused and also by another man who belongs to a Christian mission,” said the actress. “I want to live, so I shall not name them. If the CM of Tamil Nadu promises to protect me, I shall reveal the names.”]. நித்யானந்தா முன்னரே இத்தகைய குற்றச்சாட்டை வைத்துள்ளார். ஆனால், ஊடகங்கள் அதனை அப்பொழுது வெளியிடவில்லை. இப்பொழுது கூட, ஆங்கில இதழ்களில் சில வெளியிட்டுள்ளன.

மா நித்ய சுப்ரியானந்தா புகார் (30-12-2010): நித்யானந்தா மீது புகார் எழுப்பி பரபரப்பை ஏற்படுத்திய லெனின் கருப்பன் மீது கற்பழிப்பு புகார் ஒன்றை, நித்யானந்தாவின் சிஷ்யை நித்ய சுப்ரியானந்தா போலீசில் கூறியுள்ளார். சாமியார் நித்யானந்தாவுக்கும், நடிகை ரஞ்சிதாவுக்கும் இடையே தொடர்பிருப்பதாக பரபரப்பான குற்றச்சாட்டுகளை அவரது சீடராக இருந்த லெனின் கருப்பன் வெளிப்படுத்தினார். அவர் மீது நித்ய சுப்ரியானந்தா, பிடதி போலீசில் கொடுத்த புகாரில் கூறியுள்ளதாவது: “டிசம்பர் 30ம் தேதியன்று காலை 8 மணியளவில் பெங்களூரு – மைசூரு நெடுஞ்சாலையில் அச்சுதானந்தா மற்றும் எனது சகோதரருடன் நடந்து சென்ற போது, அவ்வழியே காரில் இருவருடன் வந்த லெனின் கருப்பன், எனது ஜாதியைக் குறித்து தரக்குறைவாக பேசினார்[4]. தமிழகம் கடலூர் மாவட்டத்தைச் சேர்ந்த நான், 2009ம் ஆண்டு ஜூலை மாதம் குரு பூர்ணிமா நடந்து சில நாட்கள் கழித்து, என்னை லெனின் கருப்பன் கற்பழிக்க முயன்றார். என்னை நிர்வாணமாக மொபைல் போனில் படமெடுத்து மிரட்டினார். பின்னர், மறுநாள் மாலை லெனின் கருப்பன் அவரது மொபைல் போனில் இருந்த படத்தைக் காட்டி முந்தைய நாள் நடந்த சம்பவத்தை வெளியில் யாரிடமும் சொல்லக் கூடாது என்று மிரட்டினார். மீறி இதை வெளிப்படுத்தினால், எனது தற்கொலைக்கு சாமியாரும், நானும் காரணம் என்று கடிதம் எழுதுவேன் என்று மிரட்டினார். இதனால் புகாரை முன்பே தாக்கல் செய்யவில்லை”, என்று புகாரில் குறிப்பிட்டுள்ளார்[5].

போலீஸார் பாரபட்சமாக உள்ளனரா? புகாரை முதலில் வாங்க மறுத்ததாகவும், பின்னர் எஃப்.ஐ.ஆர். போடாமல், மனுமாதிரி ஏற்றுக் கொண்டதாகவும் தெரிவித்துள்ளார்[6]. இதை விசாரித்த பிடதி போலீசார், சம்பவம் நடந்ததாக கூறப்படும் நேரத்தில், லெனின் கருப்பன் எங்கிருந்தார் என்பதை விசாரித்தனர். அன்றைய தினம் அவர் சென்னையில் இருந்தது தெரிந்தது. கடந்த ஏழு நாட்களாக அவர் பெங்களூரிலோ, பிடதியில் உள்ள நித்யானந்தா ஆஸ்ரமம் அருகிலோ அவர் வந்து சென்றதற்கான அறிகுறி ஏதுமில்லை என்றும் தெரிவித்தனர். சுப்ரியானந்தா தாக்கல் செய்துள்ள புகாரை அறிந்த லெனின் கருப்பன், தன் மீது வீண் குற்றச்சாட்டை போலீசில் அளித்ததற்காக மானநஷ்ட வழக்கு தொடரப் போவதாக கூறியுள்ளார்.

ரஞ்சிதாவின் புகார் (30-12-2010): நித்தியானந்தாவின் அந்தரங்க செயலை அம்பலப்படுத்திய அவரது முன்னாள் சீடரும், டிரைவருமான லெனின் கருப்பன், தன்னைக் கற்பழிக்க முயன்றதாகவும், அவர் போட்ட சத்தத்தைக் கேட்டு அக்கம்பக்கத்தினர் ஓடி வந்ததால் தான் தப்பித்ததாகவும் நடிகை ரஞ்சிதா புதிய புகாரைத் தெரிவித்துள்ளார். இதுதொடர்பாக பெங்களூர் அருகே, ராம்நகர் காவல் நிலையத்தில் அவர் சார்பில் ஒரு புகாரும் கொடுக்கப்பட்டுள்ளது[7]. ரஞ்சிதா, நித்யானந்தாவின் முன்னாள் கார் ஓட்டுநர் லெனின் கருப்பன், ஆர்த்தி ராவ், ஸ்ரீதர் ஆகியோர் மீது ராமநகரம் மாவட்ட அமர்வு நீதிமன்றத்தில் நேரில் ஆஜராகி புகார் அளித்தார்[8].

“வீடியோவில் இருப்பது நானல்ல”, என்று ரஞ்சிதா கூறுகிறார் (30-12-2010): இந்த நிலையில் வீடியோ வெளியாகி கிட்டத்தட்ட 8 மாதங்களுக்குப் பிறகு நடிகை ரஞ்சிதா வெளியில் வந்துள்ளார். கர்நாடக நீதிமன்றத்தில் நேற்று (30-12-2010) ஆஜரான ஆவர், இன்று பெங்களூரில் பத்திரிகையாளர்களைச் சந்தித்தார். அவர் கூறுகையில், “நித்யானந்தாவுடன் செக்ஸ் காட்சியில் இடம்பெற்றுள்ள பெண் நானல்ல. அவை அனைத்தும் பொய்யானவை, ஜோடிக்கப்பட்டவை. நித்யானந்தாவும் நானும் செக்ஸ் வைத்துக் கொண்டதில்லை. என்னை அவ்வாறு அவர் அணுகியதில்லை. எனக்கு ஒன்றுமே தெரியாது. பத்திரிகைகளைப் பார்த்துதான் இத்தனை விஷயங்களையும் தெரிந்து கொண்டேன். நான் நித்யானந்தாவின் பக்தை. இந்த உறவு தொடரும். நான் தலைமறைவாகவில்லை. உண்மையில் நான் மிரட்டப்பட்டேன். அதனால்தான் அமெரிக்காவுக்குப் போய்விட்டேன். 18 ஆண்டுகளாக சினிமாவில் இருக்கிறேன். இப்போதும் எனக்கு வாய்ப்புகள் வந்தவண்ணம் உள்ளன”, என்றார் ரஞ்சிதா[9].

திடீரென்று இப்பொழுது இந்த விஷயங்களை ஏன் வெளியிடவேண்டும்? புத்தாண்டு சமயத்தில், இவையெல்லாம் மக்களுக்கு வேண்டிய விஷயங்களா? குற்றஞ்செய்தவர்கள் யாராயிருந்தாலும் தண்டிக்கப்படவேண்டும் அதில் மாற்றுக் கருத்து எதுவும் இல்லை. ஆனால், இதையே வைத்துக் கொண்டு வியயபாரம் செய்வது போல இருப்பது அசிங்கமாக உள்ளது. உதாரணத்திற்கு, நேற்று மாலை, “மாமா மாப்ளே” என்ற தொடரில் “குஜால்” சாமி என்றெல்லாம் கூறி இந்த நித்யானந்தாவை மையமாக வைத்துக் கொண்டு காட்டப்பட்டது அருவருப்பாக இருந்தது. அந்த வார்த்தையை வைத்துக் கொண்டு, எதோ மந்திரம் சொல்வது மாதிரியும் காட்டப்பட்டது. இதில் வேடிக்கையென்னவென்றால், அதே சன் டிவிதான் இந்த கண்ராவியையும் வெளியிட்டது. இதே போல மற்ற செக்ஸ் சாமியார்களைப் பற்றி, தொடர்களில் காட்டுவார்களா?

கேட்ட பணம் கொடுக்காததால் அவதூறு செய்திகள் பரப்பப்பட்டன: “மிகப்பெரிய அளவில் பணத்தொகை கேட்டு மிரட்டப்பட்டேன். அதற்கு நான்

மறுத்ததால் என் மீது அவதூறான செய்திகளை பரப்பினர், ” என, சாமியார் நித்யானந்தா பேசினார். திருவண்ணாமலையில், சாமியார் நித்யானந்தாவின் 34வது பிறந்த நாளை முன்னிட்டு நித்யானந்த தியான பீடம் சார்பில் சத் சங்கம் நிகழ்ச்சி நடந்தது. பக்தர்களுக்கு ஆசி வழங்கி நித்யானந்தா பேசியதாவது[1]:

தமிழக முதல்வர் அய்யாவுக்கு நான் கூறிக்கொள்வது; “மிகப்பெரிய ஆன்மிகநிறுவனம் நித்யானந்த தியானபீடம். இதில், தமிழகத்தை சேர்ந்த 12 லட்சம் பேர்

பக்தர்களாக உள்ளனர். இவர்களின் வேதனைகளையும், குமுறல்களையும், புண்படுத்தப்பட்ட மத உணர்வுகளையும், பழிக்கப்படுவதோடு அல்லாமல் மீண்டும் மீண்டும் நாங்கள் தாக்கப்படுவதால், எங்கள் வாழ்வுரிமையை நாங்கள் எங்கு சென்று தான் மீட்டெடுப்போம். மொத்தம் 197 நாடுகளில் தியானபீடத்தின் சத்சங்க மையம், கோவில், வழிபாட்டு தலங்கள் உள்ளன. ஒன்பது மாதங்களில் 120 வழிபாட்டு தியான பீடங்கள் சமூக விரோதிகளால், அடித்து நொறுக்கப்பட்டன.

தமிழகத்தை தவிர வேறு எந்த மாநிலத்திலும், எந்த நாட்டிலும், எங்களின் எந்த ஒரு மையமும் தாக்கப்படவில்லை: “தமிழகத்தை தவிர வேறு எந்த மாநிலத்திலும், எந்த நாட்டிலும், எங்களின் எந்த ஒரு மையமும்

தாக்கப்படவில்லை. சில தமிழ்தொலைக்காட்சிகளும், சில தமிழ்பத்திரிகைகளும் திட்டமிட்டு எங்களை அழிப்பதற்கு எல்லாவிதமான முயற்சிகளையும் செய்து கொண்டிருக்கின்றன. மிகப்பெரிய பணத்தொகைக்காக மிரட்டப்பட்டேன். யார் தான் இதற்கு பதில் சொல்வது; யார் தான் முடிவு சொல்வது. யார் தான் முற்றுப்புள்ளி வைப்பது. நாங்களும் எங்கள் அகிம்சை கொள்கையிலிருந்து மாறமாட்டோம். இதை அகிம்மையினாலேயே எதிர்கொள்வோம். எங்களை தாக்குபவர்கள் தாங்களாகவே ஒழிந்து போவார்கள்.

கருணாநிதி ஆளும் மாநிலத்தில் பக்தர்கள் தாக்கப் படுகிறார்கள்: “நீங்கள் ஆளும் இந்த நாட்டில், வாழும் என் மக்களுக்கு, என் பக்தர்களுக்கு சாத்தியமில்லை என்பதனால், தமிழகத்தின் முதல்வராகிய உங்களுக்கு,

உங்களின் பார்வைக்கு இந்த கோரிக்கையை நேரடியாக எடுத்து வந்து, உங்களிடம் கொடுத்து உடனடி நிவாரணத்துக்காக காத்திருக்க போகிறோம்.
உங்கள் பெயரை பயன்படுத்தி, எங்களை எல்லாம் தாக்குகின்ற, ஊடகங்கள் சொல்லுகின்ற தகவல்களை மட்டும் கேட்காமல், உளவுத்துறை மூலம் இந்த புள்ளி விவரங்களை சரிபார்த்து கொள்ளுமாறு உங்களை கேட்டு கொள்கின்றேன்.

பக்தர்களையும் மிரட்டி பணம் பறிக்கப் படுகிறது: “என் பக்தர்கள் பாதுகாப்போடு கல்லூரிகளுக்கும், பள்ளிகளுக்கும் செல்லமுடியவில்லை. எங்கள் காப்பு அணிவது என்பது, எங்கள் மத உரிமை; என் படம் பொறித்த டாலர்களை, காப்புகளை அணிந்து வர பள்ளி, கல்லூரிகள் தடை விதித்துள்ளன. இது மத உரிமை மீறிய செயல். என் பக்தர்கள் அமைதியை விரும்புபவர்கள்,

எங்கள் மத சின்னம். தியான பீடத்தின் கோரிக்கை கடிதத்தை கோடிக் கணக்கான பக்தர்கள் கண்ணீரோடு, சில லட்சக் கணக்கான மக்களின் ரத்தத்தோடும், உங்களிடம் சமர்ப்பிக்க விரும்புகிறேன். நான் சொல்ல முடியாத அளவிற்கு எங்களை சில நிறுவனங்கள், ஊடகங்கள் தொடர்ந்து மிரட்டுகின்றன. என் பக்தர்கள் எனக்கு தெரியாமல் மிரட்டப்பட்டு, மிகப்பெரிய பணமும் பறிக்கப்பட்டது”, இவ்வாறு அவர் பேசினார்.

ரத்தக் கையெழுத்துடன் கலைஞருக்கு நித்யானந்தா கடிதம்[2]: “அவர்கள் மீது தொடர் தாக்குதல் நடத்தப்படுகின்றன. அவர்களை காக்கவே இக்கடிதத்தை எழுதுகிறேன். இதில் இறுதியில் என் ரத்தத்தால் ஆன கையெழுத்தும், கை நாட்டும் வைத்துள்ளேன்”, என்று நக்கீரனில் உள்ளது!

நாகர்கோவிலில் திருமண நிகழ்ச்சியில் கலந்து கொண்ட இளங்கோவன் நிருபர்களுக்கு பேட்டியளித்தார்.

1. திமுகவுடன் கூட்டணி தொடர காங்கிரஸ் கட்சியினர் விரும்பவில்லை. காங்கிரஸ் தலைமையில் மூன்றாவது அணி உருவாக வாய்ப்பு உள்ளது.
2. காங்கிரஸ் தலைமையில் புதியதாக ஒரு அணி உருவாக வேண்டும். இப்போது உள்ள கூட்டணி வேண்டாம் என்று கடந்த வாரம் நடந்த அகில இந்திய காங்கிரஸ் கமிட்டி கூட்டத்தில் கோஷமிட்டார்கள்.
3. கன்னியாகுமரியில் முன்னாள் பிரதமர் ராஜீவ்காந்தி சிலை வைக்க கடந்த 4 ஆண்டுகளாக அனுமதி கேட்டும், இதுவரை அனுமதி கிடைக்கவில்லை.
4. தமிழகம் முழுவதும் தனியாருக்கு சொந்தமான இடங்களை ஒரு கும்பல் ஆக்கிரமிப்பு செய்து வருகிறது. இதுகுறித்து தமிழக அரசு கண்டுகொள்ளவில்லை.
5. கட்டுமானப் பொருட்களின் விலை தமிழகத்தில் உயர யார் காரணம்? சிமெண்ட் விலையை குறைக்க தமிழக அரசு நடவடிக்கை எடுக்க வேண்டும். நடவடிக்கை எடுக்காவிட்டால் சென்னை சத்தியமூர்த்தி பவனில் குறைந்த விலையில் காங்கிரஸ் கட்சியின் சார்பில் சிமெண்ட் விற்பனை செய்யப்படும்[1].
6. தமிழகத்தில் இன்றைய நிலவரப்படி தி.மு.க., கூட்டணியில் காங்கிரஸ் இருக்கிறது ஆனால் தேர்தல் சமயத்தில் கூட்டணியில் மாற்றம் ஏற்படக்கூடும்[2] “தமிழகத்தில் காங்கிரஸ் தலைமையில் மூன்றாவது அணி அமைய வேண்டும் என்பது மக்கள் விருப்பம். தேர்தல் சமயத்தில் மக்கள் விருப்பம் நிறைவேறக்கூடும்.
7. தமிழகத்தில் ப‌டித்த இளைஞர்கள் தவறுகளில் ஈடுபட்டு வருகின்றனர். இதற்கு காவல்துறை மீது பயமில்லாமல் போனதே காரணம். இதற்கு அரசு செயல்பாடுகள் தான் காரணம்”.
8. தி.மு.க., கூட்டணியில் இருக்கும் விடுதலை சிறுத்தை கட்சி தலைவர் திருமாவளவன் பற்றிய கேள்விக்கு : திருமாவளவன் அரசியலுக்கு லாயக்கு இல்லை என்றும் அவர் சினிமாக்காரர் போல் போட்டோக்களுக்கு போஸ் கொடுத்து வருவதால், சினிமாவில் நடிக்கவே பொருத்தமானவர் என்றார்[3].

செத்த பாடையிலிருந்துப் பெறப்பட்ட பஞ்சாயத்து: “பஞ்சாயத்து” என்ற வார்த்தையே செத்த பாடையிலிருந்து – சமஸ்கிருதத்திலிருந்துப் பெறப்பட்ட நிலையில்[1], அறிவு உஞ்சந்தலையில் ஏறி, உன்மத்த நிலையையடையும் போது, அறிவுஜீவிகள் கட்டப் பஞ்சாயத்து, கெட்டப் பஞ்சாயத்து, பொட்டப் பஞ்சாயத்து, பட்டப் பஞ்சாயத்து, மொக்கப் பஞ்சாயத்து……………………………என்று பேசிக்கொண்டே இருக்கலாம், எழுதிக் கொண்டே இருக்கலாம்!

நம்பிக்கையில்லாதவர்கள் பஞ்சாயத்தை பற்றி பேசுவது குஷ்பு கற்ப்பைப் பற்றி பேசுவது போன்றதாகும்: பஞ்சாயத்து என்றால், பஞ்சபூத சாட்சிகளின்படி, மக்களின் முன்பு மக்களால் விசாரிக்கப்பட்டு தீர்ப்பு கொடுக்கப் பட்டு அதனை ஏற்றுக்கொள்ளும் நிலை[2]. அதாவது, அந்நிலையில், யாரும் பொய் சொல்லமாட்டார்கள், இயற்கைக்குக் கட்டுப்பட்டு நடப்பார்கள் என்ற நிலையில் முடிவு எடுக்கப்படும் நிலை. இன்று, எதிலும் நம்பிக்கையில்லாத கூட்டத்தார், அதைப்பற்றிப் பேசுவதில் எந்த பிரயோஜனமும் இல்லை. குஷ்பு கற்ப்பைப் பற்றி பேசுவதைப் போன்றது! ஒன்றில் நம்பிக்கையில்லாத கூட்டத்தார், அதைப் பற்றிப் பேச யோக்கியதை / அருகதை இல்லை. இதைப்  பொட்டப்பஞ்சாயத்து எனலாமா?

ராஜிவ் காந்தியின் குளறுபடிகளும், அவது மனைவி செய்யும் அநியாயங்களும்: ஷாபானு வழக்கிற்குப் பிறகு[3], முஸ்லீம்களின் தொந்தரவு தாங்காமல்[4], ராஜிவ் காந்தி சி.ஆர்.பி.சியைத் திருத்தியது[5] மட்டுமல்லாது, முஸ்லீம்களுக்கு, சரீயத் முறையில், ஒரு தனி சட்டத்தை ஏற்படுத்தினார்[6]. அப்பொழுது வழிபடும் ஸ்தலங்களின் சட்டம் ஒன்றும் இயற்றப்பட்டது[7], ஆனால், அதில் ராமஜென்மபூமி விலக்களிக்கப்பட்டது. இப்படி ஆரம்பித்தப் பிரச்சினை காங்கிரஸால் தொடர்ந்து வளர்க்கப் பட்டுள்ளது என்பதனைத் தெரிந்து கொள்ளலாம். முஸ்லிம்களுக்கு காங்கிரஸ், ஒரு சலுகை செய்யப்போகிறது என்றால், இந்துக்களுக்கும் அதைவிட சிறிய சலுகை என்பது பொல, செய்யப்படும் யுக்திதான் இது. சோனியா மேய்னோவும் அதற்கு சளைத்தவர் இல்லை என்பது நிரூபனம் ஆகிவிட்டது. காஷ்மீரில், முஸ்லீம்களுக்கு அள்ளித்தரப்படப்போகிறது, குற்றவாளிகள் விடுவிக்கப்படப்போகிறார்கள்[8]……………என்ற நிலையில், மக்களின் கவனத்தைத் திருப்பத்தான் இந்த தீர்ப்பு என்று சொல்லலாம். அதைவிட பெரிய கொடுமை கோடிக்கணக்கான காமென்வெல்த் ஊழல்! இதைக் கெட்டப் பஞ்சாயத்து எனலாமா?

கமிஷன், அமைச்சகம், அரசு, நீதிமன்றம், பாராளுமன்றம்: லிபரான் கமிஷன் உள்துறை அமைச்சகத்தினால் ஏற்படுத்தப்பட்ட கமிஷன், அதன் முடிவுகளை ஏற்பதும், ஏற்காததும் அமைச்சகத்தின் இஷ்டம். சட்டரீதியாக செயல்படுத்தும் போது, மற்றவர்கள் அதனைத் தட்டிக் கேட்க உரிமையுண்டு. அது நீதிமன்றங்களுக்கூட்பட்டது. அந்நிலையில், கமிஷன் முடிவுகளை வைத்துக் கொண்டு, நீதிமன்ற தீர்ப்பை ஒப்பிடமுடியாது. மேல்முறையீட்டிற்கு போவார்கள் என்று அடிக்கொருதடவை, தீர்ப்பு வருவதற்கு முன்பும், பின்னும் பேசி வருகின்றவர்கள், இதைப் பற்றிப் பேசுவது, கையாலாகாத்தனம் மற்றும் போலித்தனம். அந்நிலையில், இடைக்காலத் தடை என்றெல்லாம் நாடகம் ஆடியவர்கள், வழக்குப் போட்டவர்கள், அதனை / அவர்களை ஆதரித்தவர்கள், முதலியோரை என்ன சொல்வது?

உச்சநீதி மன்றத்தின் தீர்ப்புகள் பல இன்னும் நிறைவேற்றப்படாமல் இருக்கின்றன: நூற்றுக்கணக்கான உச்சநீதி மன்ற தீர்ப்புகள் நடைமுறைப் படுத்தாமலேயே வைத்திரூக்கின்றன பல மாநில அரசுகள்! அதில் மேற்கு வங்காளம் முதலிடத்தில் உள்ளது[9]. உதாரணத்திற்கு – நிகர்நிலைப் பல்கலைக்கழகங்களில் நடைப்பெற்று வரும் ஊழல், திறனற்ற நிலை, முதலியவற்றை உச்சநீதி மன்றம் நன்றாகவே கேட்டிருக்கிறது. ஆனால், அதில் சம்பந்தப்பட்டுள்ள அரசியல்வாதிகள் தள்ளிக் கொண்டே போகின்றனர். இங்கு ஏன் யாரும் கேட்பதில்லை? சென்ற வாரம் கூட உச்சநீதி மன்றத்தில் கெடு வைத்துள்ளது. ஆனால், அதைப் பற்றி மூச்சுக்கூட விடிவதில்லையே, ஏன்? மக்கள் தெரிந்து கொள்வார்கள் என்ற பயம்தான். ஊழல் செய்து, மக்களின் பணத்தை கல்வி என்ற பெயரில் உறிஞ்சி ஆனால், பதிலுக்குத் தரவேண்டியதை தர ஏமாற்றுவேலைகள் தான் மிச்சம். அரசியல் செல்வாக்கை வைத்துக் கொண்டு, நீதிமன்றங்களை, நீதிபதிகளையே வளைத்து வருகின்றனர். யாரும் பஞ்சாயத்திற்கு வருவதில்லையே? இதை பட்டப் பஞ்சாயத்து எனலாமா?

[2] விவேக்கின் குஞ்சு சுடும் பஞ்சாயத்து அல்ல. ஆனல் அதற்குத் தான் பத்மஸ்ரீ எல்லாம் கொடுத்திருக்கிறார்கள். கூட காஷ்மீரத் தீவிரவாதிக்கும் கொடுத்திருக்கிறார்கள்!

[3] மொஹமது அஹமது கான் .எதிர். ஷா பானு பேகம் -

[4] முஸ்லீம் அடிப்படைவாதம் உச்சக்கட்டத்தில் இருந்த நிலை.

[5] Section 125 of Code of Civil Procedure was amended, in other words, the Muslim women have been excluded from the Sectuion, si that they cannot claim any alimony.

[6] The Muslim Women (Protection of Rights on Divorce) Act, 1986 with the Muslim women (Protection of Rights on Divorce) Rules, 1986.

[7] Places of worship Act, 1986.

[8] இது எந்த சட்டத்தில் செல்லுபடியாகும் என்று தெரியவில்லை.

[9] இவர்கள் தாம் சட்டம், நீதி, கோர்ட் என்றெல்லாம் அடிக்கடிப் பேசிக் கொண்டிருபார்கள்.

வானொலியில் சமஸ்கிருதத்திற்குரிய அதே நேரம் செம்மொழியான தமிழுக்கும் ஒதுக்கப்படவேண்டும்: வானொலியில் சமஸ்கிருதத்திற்குரிய அதே நேரம் செம்மொழியான தமிழுக்கும் ஒதுக்கப்படவேண்டும் இல்லையேல் கிளர்ச்சி நடைபெறும்! இப்படி வீரமணி மிரட்டுகிறாரா, அல்லது கெஞ்சுகிறாரா என்று இனிமேல் தான் தெரியும். சென்னை பொதுக்கூட்டத்தில் தமிழர் தலைவர் அறிவிப்பஇன்படி, இந்த செய்தி விடுதலையில் முதல் பக்கத்தில் வந்துள்ளது[1]. சென்னை, செப். 22- வானொலியில் சமஸ்கிருதத்திற்குரிய நேரம் ஒதுக்கப் படுவதுபோல் – தமிழ் மொழிக்கும் ஒதுக்கப்படவில்லையென்றால் கிளர்ச்சி நடைபெறும் என்று தமிழர் தலைவர் கி. வீரமணி அவர்கள் சென்னையில் நடைபெற்ற பொதுக்கூட்டத்தில் அறிவித்தார்.

இரண்டு சனியனும் வேண்டாம்! இந்தியா வேண்டுமா? கம்ப ராமாயணம் வேண்டுமா என்றால் உண்மைத் தமிழ் மகன் என்ன சொல்லுவான்? இரண்டு சனியனும் வேண்டாம் என்றுதானே சொல்லுவான்[2]! மேல்நாட்டில் தான் அறிவாளிகள் உண்டு என்றும், கீழ்நாட்டில் அறிவாளிகள் இல்லை என்றும் நான் சொல்ல வரவில்லை. மேல்நாட்டு அறிவாளிகள் தாங்கள் செய்த இலக்கியங்களை மத சம்பந்தமன்னியில் கடவுள் சம்பந்தமன்னியில் பெரிதும் செய்து வைத்தார்கள். அதனால் நூற்றுக் கணக்கான மேல்நாட்டு இலக்கியங்களும் பண்டிதர்களும் போற்றப்படுகிறார்கள்.

இந்தியா ஒரு சனி: என்று சொல்லும் ஒரு நிகர்நிலை பல்கலைக்கழக வேந்தரை என்னவென்பது? இந்தியராக இவர் இருப்பதே என்ன் என்று தெரியவில்லை! அங்கு படிக்கும் மாணவர்கள் இதனைக் கண்டு கொண்டால் சரிதான்!

மலத்தில் அரிசி பொறுக்கலாமா? கம்பராமாயணம் அரிய இலக்கியமாய் இருக்கிற தாகச் சொல்லுகிறார்கள். இருந்து என்ன பயன்? ஒருவன் எவ்வளவுதான் பட்டினி கிடந்தாலும் மலத்தில் இருந்து அரிசி பொறுக்குவானா? அது போல் தானே கம்பராமாயண இலக்கியம் இருக் கிறது. அதில் தமிழ் மக்களை எவ்வளவு இழிவாக குறிப்பிடப்பட்டிருக்கிறது? தமிழரின் சரித்திர கால எதிரிகளை எவ்வளவு மேன்மையாக குறிப்பிடப் பட்டிருக்கிறது? சுயமரியாதையை விரும்புகிறவன் எப்படி கம்பராமாயண இலக்கியத்தை படிப்பான்? இன்று கம்பராமாயணத்தால் தமிழ் மக்களுக்கு இலக்கியம் பரவிற்றா இழிவு பரவிற்றா, என்று நடுநிலையில் இருந்து யோசித்துப் பாருங்கள்.

பொய்களை வைத்துக் கொண்டே பிழைப்பு நடத்துக் கோஷ்டி:  தமிழ் பாஷையின் பெருமை பரமசிவனுடைய டமாரத்தில் இருந்து வந்ததென்றோ, பரமசிவன் பார்வதியிடம் பேசிய பாஷை என்றோ, சொல்லி விடுவதாலும் தொண்டர் நாதனை தூதிடை விடுத்ததாலும், முதலை உண்ட பாலனை மீட்டாலும், எலும்பை பெண்ணாக்கினதாலும், மறைக் கதவைத் திறந்ததாலும், தமிழ் மேன்மையுற்றதாகி விடாது. இந்த ஆபாசக் கதைகள் தமிழ் வளர்ச்சியையும் மேன்மையும் குறைக்கத்தான் பயன்படும். பரமசிவனுக்கு உகந்த பாஷை தமிழ் என்றால் வைணவனும் துருக்கனும் தமிழைப் படிப்பதே பாவமல்லவா? அன்றியும் அந்தப் படியிருந்தால் பார்ப்பான் தமிழ் மொழியைச் சூத்திர பாஷை என்றும், அதைக் காதில் கேட்பதே பாவம் என்றும் சொல்லுவானா? என்று யோசித்துப் பாருங்கள்.

வீரமணி பெரியார் திடலில் இந்தி பேசியதும் இதனால்தான் போலும்[3]: இந்திப் புரட்டு இன்று, தமிழ்நாட்டில் வந்து தமிழ் கற்று வயிறு வளர்ப்பவர்களாகிய பார்ப்பனர்களே இந்தி பாஷை இந்திய பாஷை ஆக வேண்டுமென்று முயற்சித்து வெற்றி பெற்று வருகிறார்கள். கோர்ட் பாஷை, அரசாங்க பாஷை ஆகியவை எல்லாம் இந்தி மயமாக வேண்டும் என்கிறார்கள். காரணம் கேட்டால் இந்தி பாஷையில் துளசிதாஸ் ராமாயணம் நன்றாய் விளங்குமென்கிறார்கள். தமிழ்ப்பண்டிதர்களுக்கு இதைப்பற்றிச் சிறிதும் கவலை இருந்தது என்று சொல்ல முடியவில்லை, தமிழ்ப்பண்டிதர்கள் இந்த அரசியல்வாதிகளின் கூச்சலுக்கும் பார்ப்பனர்கள் ஆதிக்கத்துக்கும் பயந்து கொண்டு வாயை மூடிக்கொண்டு இருக் கிறார்கள்[4].

பார்ப்பனர்கள் செத்த பாம்பான சமஸ்கிருதத்தை எடுத்து வைத்துக் கொண்டு எவ்வளவு ஆர்ப்பாட்டம் செய்கிறார்கள்? பொதுப்பணம் சமஸ்கிருதத்தின் பேரால் எவ்வளவு செலவாகின்றது? பொது ஜனங்களின் வரிப்பணம் சமஸ்கிருதத்துக்கு ஆக ஏன் ஒரு பைசாவாவது செலவாக வேண்டும்? தமிழ் மக்கள் யாரும் இதைப் பற்றிக் கவனிப்பதில்லை. தமிழ் தமிழ் என்று எங்கோ ஒரு மூலையில் இரண்டு பண்டிதர்கள்தான் சத்தம் போடுகிறார்கள். ஆனால் சமஸ்கிருத்துக்கும் இந்திக்கும் கேபினெட் மெம்பர்கள் அய்க்கோர்ட் ஜட்ஜுகள் முதல் எல்லா பார்ப் பன அதிகாரிகளும் பாடுபடுகிறார்கள். நம்ம பெரிய அதிகாரிகளுக்கோ, பெரிய செல்வாக்கும் செல்வ மும் உள்ளவர்களுக்கோ தமிழைப் பற்றி கவலையும் இல்லை தமிழைப் பற்றிய அதிகம் பேருக்கு ஒன்றும் தெரியவும் தெரியாது என்று அய்யா அவர்கள் சொல்லுகிறார்.

பேசாத ஒரு மொழி செத்த மொழி சமஸ்கிருதம்: இந்திய அரசியல் சட்டத்தின்படி (Official Language) 22 மொழிகள் அதிகாரப்பூர்வ மொழியாக அங்கீகரிக்கப்பட்ட மொழியாக 8 ஆவது அட்ட வணையில் வைக்கப்பட்டிருக்கிறது. இதில் தமிழும் இருக்கிறது, சமஸ்கிருதமும் இருக்கிறது. உலகத்திலே பேசாத ஒரு மொழி செத்த மொழி சமஸ்கிருதம்[5]. தமிழ்மொழி செம்மொழி என்ற தகுதி பெற்ற பிறகுதான் சமஸ்கிருதமும் – செம்மொழி என்று வெளியில் தெரிய ஆரம்பித்தது.

சமஸ்கிருத பஜனை[6]: வானொலியைக் கேட்டீர்களேயானால், நாள் தோறும் சமஸ்கிருத பஜனைகள், பாட்டுகள், கிழடு, கிழவியின் உஞ்சிவிருத்திப் பார்ப்பனர்களின் சமஸ்கிருத பாட்டுகளை, ராகங்களை ஒலிபரப்புகிறார்கள். சமஸ்கிருதத்திற்கு ஒதுக்குவதுபோல தமிழ் மொழிக்கும் நேரத்தை ஒதுக்கவேண்டும் என்று நாம் முன்பு வானொலி துறையைக் கேட்டபொழுது அது கிளாசிக்கல் மொழி செம்மொழி அந்தஸ்து பெற்றது. அதனால் சமஸ்கிருத மொழிக்கு நேரத்தை ஒதுக்குகிறோம் என்று சொன்னார்கள்.

தமிழ் கிழடு, கிழவிகள் தயாரக இருக்கலாம்: அன்றைக்கு அந்தப் பதில் – இன்றைக்கு…? சரி, அன்றைக்கு அந்தப் பதிலைச் சொன்னீர்கள். இன்றைக்குத் தமிழ் செம்மொழி அந்தஸ்தைப் பெற்று சமஸ்கிருதம் செம்மொழி என்று இன்றைக்குத்தான் வெளியே தெரிய ஆரம்பித்திருக்கிறது. எனவே, வானொலியில் சமஸ்கிருத மொழிக்கு எவ்வளவு நேரம் ஒதுக்குகிறீர்களோ அதே அளவுக்கு தமிழ் மொழிக்கும் நேரத்தை ஒதுக்கவேண்டும். உள்ளூரில் இருக்கின்ற மயிலாப்பூர் பார்ப்பனர் களுக்கே சமஸ்கிருதம் பேசத் தெரியாது.

வீரமணி பஜனை செய்வாராம்[7]: கிளர்ச்சி நடத்துவோம்! எனவே, தமிழ் மொழிக்கு வானொலியில் உரிய இடம் கிடைக்கவேண்டும் என்பதை நாங்கள் கட்டாயம் வலியுறுத்துகின்றோம். தேவைப்பட்டால் இதற்கு ஒரு இயக்கத்தையே நடத்துவோம். அல்லது கிளர்ச்சியாகவும் நடத்தப் படும் என்பதை இந்தக் கூட்டத்தின் வாயிலாகத் தெரிவித்துக் கொள்கின்றேன். இதுதான் தமிழ் மொழிக்குரிய உரிமை.

[2] தமிழனின் இந்திய நாட்டுப் பற்றே அபாரம்தான்! வீரமணியின் அறிவும் வெளிப்படுகிறது. அங்கு படிக்கும் மாணவர்கள், இதை கவனித்துக் கொண்டால் சரிதான்!

[3] அகில இந்திய நாத்திக மாநாடு நடந்தபோது, வீரர் வீரமணி இந்தியிலேயே பேசி உலா வந்தது, பல கருப்புச் சட்டைகளுக்கு வியப்பாக இருந்தது.

[4] ஏழாவது அகில இந்திய நாத்திக மாநாடு டிசம்பர் 2009ல் நடந்தபோது, பெரியார் திடலே அதிரும் வண்ணம், இந்தியில் ஒரு நாத்திகர் முழங்கிக் கொண்டிருந்தார். புரியாமல், பல கருப்புச்சட்டைகள் அங்கு வந்து உட்கார்ந்து கொண்டன. பாவம், செத்த பாடையைக் கட்ட அவ்வளவு ஆர்வம் போல். உடனே மைக்கில், அவர்களின் மீட்டிங் வேறு இடத்தில் நடப்பதாகவும், அங்கு எல்லோரும் வரும்படியும், வேண்டிக் கொண்டார்கள்!

[5] பிறகு, அதைப் பார்த்து ஏன் பேதி வருகிறது, பகுத்தறிவுவாத்களுக்கு?

[6] http://www.viduthalai.periyar.org.in/20100922/news01.html

[7] http://www.viduthalai.periyar.org.in/20100922/thalai.html

Coimbatore Vinayakar arrested with women!

மக்களோடு மக்களாக விநாயகரும் கைது: போலீசார் அரங்கேற்றிய சதுர்த்தி “நாடகம்‘[1]: கஞ்சி குடிக்கும் கருணநிதிக்கு, இந்துக்களை தூஷிக்கும் கருணாநிதிக்கு, போலீஸ் துறையை தன்னிடம் வைத்திருக்கும் கருணாநிதிக்கு, வேறு வேலையில்லை என்றதால், விநாயகரை கைது செய்ய ஆணையிட்டு விட்டாதாகத் தெரிகிறது. கோவை செல்வபுரம் கல்லாமேடு பண்ணாரிமாரியம்மன் கோவில் பகுதியில், விநாயகரை சுற்றி வளைத்து நின்ற பெண்களை தவிர்த்து விநாயகர் சிலையை போலீசாரால் கைப்பற்ற முடியவில்லை. அதனால் விநாயகர் சிலையையும் பெண்களையும் சேர்த்து கைது செய்து போலீஸ் வேனில் ஏற்றினர்.ஆண்கள், பெண்கள், சிறுமிகள், சிறுவர்கள் என்று மொத்தம் 146 பேரை போலீசார் கைது செய்தனர். கோவை செல்வபுரம் கல்லாமேடு பகுதியில், பிரதிஷ்டை செய்த விநாயகர் சிலையை போலீசார் அப்புறப்படுத்தியபோது தடுத்ததாக, ஆண், பெண், குழந்தைகள் உள்ளிட்ட 146 பேரை போலீசார் கைது செய்தனர்.

“சிலை வைக்கக்கூடாது‘ என எதிர்ப்புத் தெரிவித்து அனுமதி மறுத்த போலீஸார்: கோவை செல்வபுரம் கல்லாமேடு பண்ணாரிமாரியம்மன் கோவில் பகுதியில், இந்து முன்னணி சார்பில், விநாயகர் சதுர்த்தி விழா நடத்த ஏற்பாடு செய்யப்பட்டது. மூன்றரை அடி உயர விநாயகர் சிலையை நேற்று முன் தினம் இரவு பிரதிஷ்டை செய்தனர். சதுர்த்தி விழாவையொட்டி, 20 ஆண்டுகளாக இங்கு இந்து முன்னணியினர் விநாயகர் சிலை பிரதிஷ்டை செய்வது வழக்கம். கடந்த ஆண்டு இந்து முன்னணியைச் சேர்ந்த ஒருவர் இறந்ததால், சிலை பிரதிஷ்டை செய்யவில்லை. இந்த ஆண்டு வழக்கம் போல் சிலை பிரதிஷ்டை செய்ய போலீசாரிடம் இந்து முன்னணியினர் அனுமதி கோரினர். வேண்டுகோளை நிராகரித்த போலீசார், சிலையை வைக்கக்கூடாது என தடை விதித்தனர்[2]. இதை ஏற்றுக்கொள்ளாத இந்துமுன்னணியினர், பொறுப்பாளர் குணசேகரன் தலைமையில் மூன்றரை அடி விநாயகர் சிலையை நேற்று முன் தினம் இரவு பிரதிஷ்டை செய்தனர். தகவலறிந்த போலீஸ் துணை கமிஷனர் நாகராஜன், உதவிகமிஷனர்கள் குமாரசாமி, பாலாஜிசரவணன் ஆகியோர், “சிலை வைக்கக்கூடாது’ என எதிர்ப்புத்தெரிவித்தனர்[3].

வேண்டுமென்றே சட்டப்பிரச்சினையை ஏற்படுத்தி கைது செய்யும் போலீஸார் – கைது செய்யப்பட்ட விநாயகர்: போலீசாரோ, முறையாக அனுமதி பெறாமல் விநாயகர் சிலையை வைக்கக்கூடாது எனக் கூறி, அப்புறப்படுத்த முயன்றனர். இதை கவனித்த பெண்கள் விநாயகரை சுற்றிவளைத்து அப்புறப்படுத்தவிடாமல் தடுத்தனர். இதையடுத்து, போலீசார் அங்கிருந்த இந்து முன்னணி தொண்டர்களை கைதுசெய்து வேனில் ஏற்றினர். விநாயகரை சுற்றி வளைத்து நின்ற பெண்களை தவிர்த்து விநாயகர் சிலையை போலீசாரால் கைப்பற்ற முடியவில்லை. அதனால் விநாயகர் சிலையையும் பெண்களையும் சேர்த்து கைது செய்து போலீஸ் வேனில் ஏற்றினர்[4]. ஆண்கள், பெண்கள், சிறுமிகள், சிறுவர்கள் என்று மொத்தம் 146 பேரை போலீசார் கைது செய்தனர். கைதுசெய்தவர்களை பாதுகாப்பாக வைக்க கோவை நகரிலுள்ள பல திருமண மண்டபங்களை போலீசார் தேடி அலைந்தனர். விசேஷ நிகழ்ச்சிகள் நடந்து கொண்டிருந்ததால் காலியாக எதுவும் இல்லை.

கைது செய்யப்பட்ட விநாயகர் மைதானத்தில் விடுதலை! கோவை அண்ணாமலை ஓட்டல் பகுதியில் வாகனத்தை நிறுத்தி கைது செய்தவர்களை இறங்க அறிவுறுத்தினர். ஒருவரும் இறங்காமல் போராட்டத்தில் ஈடுபட்டனர். இதனால், ஸ்டேட் பாங்க் ரோட்டில் கடும் போக்குவரத்து நெரிசல் ஏற்பட்டது. நிலைமை மோசமாவதை உணர்ந்த போலீசார் கைது செய்தவர்களை போலீஸ் பயிற்சி பள்ளி மைதானத்திற்கு கொண்டுசென்றனர். அங்கு கைது செய்யப்பட்டவர்களை இறக்கி விட்டனர் அங்கு விநாயகர் சிலையும் இறக்கி வைக்கப்பட்டது. இதையடுத்து கைதுசெய்யப்பட்டவர்களுக்கு மதிய உணவு போலீசாரால் வழங்கப்பட்டது. வாங்க மறுத்து அனைவரும் உண்ணாவிரதப் போராட்டத்தில் ஈடுபட்டனர். நேற்று காலை நைட்டி அணிந்த நிலையில் கைது செய்யப்பட்ட பெண்கள் பலர் உணவருந்தாமல் போலீஸ் பயிற்சி மைதானத்திலேயே வைக்கப்பட்டனர்[5]. இதனிடையே இந்து முன்னணி நிர்வாகிகள் மற்றும் போலீசாருக்குமிடையே சிலை பிரதிஷ்டை செய்வது தொடர்பாக பேச்சு நடந்தது. இதில் எந்த முன்னேற்றமும் நேற்று மாலை வரை ஏற்படவில்லை.

இந்து முன்னணி பேனர் கிழிப்பு போலீஸ் ஸ்டேஷன் முற்றுகை[6]: விநாயகர் சதுர்த்தியை முன்னிட்டு மேட்டுப்பாளையத்தில் இந்து முன்னணி வைத்த “பிளக்ஸ்’ பேனரை யாரோ கிழித்து விட்டனர். சம்பந்தப்பட்டவர்கள் மீது நடவடிக்கை எடுக்கக்கோரி இந்து முன்னணியினர் போலீஸ் ஸ்டேஷனை முற்றுகையிட்டனர். மேட்டுப்பாளையத்தில் நடைபெறும் விநாயகர் சதுர்த்தி விழாவை முன்னிட்டு, இந்து முன்னணியினர் நகரில் 10 இடங்களில் “பிளக்ஸ்’ பேனர்கள் வைத்தனர். காரமடை, ஊட்டி மெயின் ரோடு, காந்தி மைதானம், சிறுமுகை ரோடு ஆகிய இடங்களில் வைத்திருந்த ஏழு விளம்பர போர்டுகளை, சிலர் நள்ளிரவில் பிளேடால் கிழித்து விட்டனர். இந்து முன்னணி மாவட்ட செயலாளர்கள் ராஜ்குமார், சதீஸ்குமார் ஆகியோர் தலைமையில் நூற்றுக்கும் மேற்பட்டவர்கள் மேட்டுப்பாளையம் போலீஸ் ஸ்டேசனுக்கு காலை 10.00 மணிக்கு சென்று புகார் தெரிவித்தனர். 11.00 மணி ஆகியும் உயர் அதிகாரிகள் வந்து விசாரணை செய்யவில்லை. இதையடுத்து, இந்து முன்னணியினர் கோஷம் போட்டு ஸ்டேஷனை முற்றுகையிட்டனர். பின்னர், டி.எஸ்.பி., ராஜாராம், இன்ஸ்பெக்டர் மணி ஆகியோர் வந்து, இந்து முன்னணி நிர்வாகிகளிடம் பேசினர். சம்பந்தப்பட்டவர்கள் மீது நடவடிக்கை எடுப்பதாக டி.எஸ்.பி., கூறியதை அடுத்து 12.30 மணிக்கு இந்து முன்னணியினர் கலைந்து சென்றனர்[7].

விநாயகர் சதுர்த்தியை வெற்றி விழா ஆக்கப் பாடுபடுவோம் என்று ராம.கோபாலன் கூறினார்[8]: இதுகுறித்து இந்து முன்னணி மாநில அமைப்பாளர் ராம.கோபாலன் வெளியிட்டுள்ள அறிக்கையில், 11.9.2010 அன்று உலகம் முழுவதும் உள்ள இந்துக்கள் விநாயகர் சதுர்த்தி விழாவைக் கோலாகலமாகக் கொண்டாடவிருக்கிறார்கள். தமிழகத்தில் கடந்த 30 ஆண்டுகளாக விநாயகர் சதுர்த்தி விழா இந்து எழுச்சிப் பெருவிழாவாகப் பட்டி தொட்டி எங்கும் கொண்டாடப்பட்டு, இன்று மக்கள் விழாவாக வளர்ந்து வருவதைக் காணமுடிகிறது. சாதி, சமய வேறுபாடுகள் இல்லாமல் இந்து சமுதாயத்தை ஒற்றுமைப்படுத்தவும், தெய்வீகத்தின் மூலம் தேசிய எழுச்சி, தேச பக்தி வளரவும் இவ்விழா உதவியாக அமைகிறது. விநாயகர் சதுர்த்தி அன்று எல்லாம் வல்ல எம்பெருமான் விநாயகர் அருளால் தடைகளெல்லாம் நீங்கி, இந்து எழுச்சி ஓங்கி விநாயகர் சதுர்த்தி விழா வெற்றிகரமாக நடைபெற இந்துக்கள் தாங்கள் வாழும் பகுதியில் உள்ள எல்லா விநாயகர் ஆலயங்களிலும் மனமார பிரார்த்தித்து சிதறு தேங்காய் உடைக்கக் கேட்டுக்கொள்கிறேன். கிராமம்தோறும், வீதி தோறும் உள்ள எல்லா விநாயகரிடமும் நமது பிரார்த்தனையை வைப்போம். எளியோனுக்கு எளியோனாக வீதியில் நின்று நம்மைக் காத்துவரும் கணபதியைக் கைத்தொழுவோம்.

இந்துக்களுக்கு இடையூறு ஏற்படுத்த அரசியல்வாதிகள், அரசாங்க அதிகாரிகள், காவல்துறையினர் முயற்ச்சியா? அரசியல்வாதிகள், அரசாங்க அதிகாரிகள், காவல்துறையினர் விழா நடத்தும் சாமான்யனான இந்துக்களுக்கு இடையூறு ஏற்படுத்துவதாக செய்திகள் வருகின்றன[9]. இடையூறு செய்வோர் நியாய உணர்வோடு மனம் திருந்தி விழா வெற்றிகரமாக நடைபெற ஒத்துழைக்கவும், விழா எடுக்கும் இந்துக்களுக்குத் தைரியமும், உத்வேகமும், நம்பிக்கையும் ஏற்படவும் விநாயகப் பெருமானைப் பிரார்த்திப்போம். நாம் ஆழ்ந்த பக்தி சிரத்தையோடு விநாயகர் பெருமானை வணங்குவோம், தடைகளைக் கடந்து, விநாயகர் சதுர்த்தியை வெற்றிவிழாவாக்கப் பாடுபடுவோம். விநாயகர் அருள் நமக்கு என்றும் துணை. எல்லோரும் விநாயகர் பெருமான் அருளால் எல்லா நலன்களும், வளங்களும் பெற பிரார்த்திக்கிறேன். இவ்வாறு ராம.கோபாலன் கூறியுள்ளார்.

விநாயகர் கோயில் சிலை உடைப்பு, கல்வீச்சால் பதட்டம் :பழநியில் மர்ம நபர்களால் பரபரப்பு[10]; பழநியில் விநாயகர் கோயில் சிலை உடைப்பு, காளியம்மன் கோயில் கல்வீச்சு சம்பவங்கள் தொடர்பாக தனிப்படை போலீசார் விசாரித்து வருகின்றனர்.பழநி கருப்பண தேவர் சந்தில், காக்கும் கற்பக விநாயகர் கோயில் உள்ளது. 20 ஆண்டுகளுக்கு மேலாக, இப்பகுதி மக்கள் இங்கு கோயில் அமைத்து வழிபட்டு வருகின்றனர். இங்கு ஒரு விநாயகர், இரண்டு நாகங்கள், ஒரு மூஞ்சுறு(விநாயகர் வாகனம்) சிலைகள் அமைக்கப்பட்டுள்ளன. மாதந்திர சதுர்த்தி மற்றும் விசேஷ நாட்களில், இங்கு சிறப்பு வழிபாடு நடத்தப்பட்டு வருகிறது. அதிகாலை, விநாயகர் முன் உள்ள மூஞ்சுறு சிலையின் தலைப்பகுதி சேதப்படுத்தப்பட்டு இருந்தது. மேலும் வீரப்பபிள்ளை சந்தில் உள்ள பணக்கார காளியம்மன் கோயிலில், நேற்று முன்தினம் இரவு மர்ம நபர்கள் கற்களை வீசியுள்ளனர். இது குறித்து அங்கு தங்கியிருந்த பூசாரி முருகேசன், போலீசில் புகார் செய்தார். பா.ஜ., நகர தலைவர் தீனதயாளன், இந்து முன்னணி பிரமுகர் ராஜா உள்ளிட்டோர் வந்தனர்.டி.எஸ்.பி., பாண்டியராஜன், சம்பவ இடத்திற்கு வந்து விசாரணை நடத்தினார். செப். 11ல் விநாயகர் சதுர்த்தி விழாவை கொண்டாடுவதற்கான ஏற்பாடுகள், பல்வேறு அமைப்புகளின் சார்பில் மேற்கொள்ளப்பட்டு வருகின்றன. இந்நிலையில் பழநி விநாயகர், காளியம்மன் கோயில்களில் நடந்த சம்பவங்கள், பரபரப்பை ஏற்படுத்தியுள்ளன. டி.எஸ்.பி., பாண்டியராஜன் கூறுகையில், “”சிலையின் தலைப்பகுதி வட்ட வடிவில் அறுத்து எடுக்கப்பட்டது போன்று காட்சியளிக்கிறது. இப்பிரச்னைக்கு காரணம் விஷமிகளா? வேட்டையாடும் நபர்கள் செய்ததா? என்பது தொடர்பாக விசாரித்து வருகிறோம். இச்சம்பவங்கள் தொடர்பாக வழக்கு பதிவு செய்யப்பட்டுள்ளது. தனிப்படை போலீசார் விசாரணையில் ஈடுபட்டுள்ளனர்” என்றார்.

பெருந்துறை அருகே விநாயகர் கோவில் கோபுரத்தில் சிலைகள் சேதம்[11]: பெருந்துறை அருகே விநாயகர் கோவில் கோபுரத்தில் சிலைகள் சேதப்படுத்தப்பட்டன.ஈரோடு மாவட்டம் பெருந்துறை – கோபி ரோட்டில் ஆறாவது கி.மீ.யில், துடுப்பதி அருகே துலுக்கபாளையத்தை சேர்ந்த பொது மக்கள், விநாயகர் கோவிலை கட்டியுள்ளனர். 2009 ஜூலை 2ம் தேதி கோவில் கும்பாபிஷேம் நடந்தது. இன்று கோகுலாஷ்டமி என்பதால், பக்தர்கள் சிலர் காலையில் கோவிலுக்கு சென்றனர். கோவில் கோபுரத்திலுள்ள சில சிலைகள் மற்றும் கோவிலின் பக்கவாட்டு  ஜன்னல் கண்ணாடிகள் உடைக்கப்பட்டிருந்ததை கண்டு அதிர்ச்சியடைந்தனர்.கோபுரத்தின் முகப்பில் உள்ள விநாயகர் சிலையின் இரு கைகளும், மூன்று பக்கவாட்டிலும் உள்ள அம்மன் சிலைகளின் இரு கைகளும், கோபுரத்தை தாங்கி நிற்கும் சிலையின் இரு கைகளும் உடைக்கப்பட்டுள்ளன. வரும் 11ம் தேதி விநாயகர் சதுர்த்தி கொண்டாடப்பட உள்ள நிலையில், விநாயகர் கோவில் கோபுர சிலைகள் சேதப்படுத்தப்பட்டுள்ளது. பெருந்துறை போலீஸார் விசாரிக்கின்றனர்.

சட்ட ஒழுங்கு பிரச்னை இல்லாமல் விநாயகர் சதுர்த்தி: அனைத்து கட்சிகளுடன் போலீஸ் ஆலோசனை[12]: திருத்தணி, ஆக. 25, 2010: விநாயகர் சதுர்த்தி விழாவை முன்னிட்டு அனைத்து கட்சிகள் பங்கேற்ற ஆலோசனைக் கூட்டத்தை திருத்தணி காவல் துறை புதன்கிழமை நடத்தியது. செப்டம்பர் 11-ம் தேதி விநாயகர் சதுர்த்தி நடைபெறும் விழாவில் சட்ட ஒழுங்கு பிரச்னை இல்லாமல் நடத்துவது குறித்து இக்கூட்டத்தில் விவாதிக்கப்பட்டது. கூட்டத்தில் திருத்தணி காவல்துறை துணை கண்காணிப்பாளர் மாணிக்கம் பேசியதாவது[13]:

• “விநாயகர் சதுர்த்தி முன்னிட்டு அமைக்கப்பட உள்ள சிலைகளின் உயரம், உள்ளிட்ட குறிப்புகளை காவல் நிலையத்தில் தர வேண்டும்.
• எந்த நேரமும் சமூக விரோதிகளால் அசம்பாவிதமும் சட்ட விரோத செயலும் நடைபெற கூடும்.
• ஆகவே அந்தந்த பகுதியில் குழுக்கள் அமைத்து காவல் துறையின் கவனத்திற்கு கொண்டு வரவேண்டும்[14].
• விழாக்கள் நடைபெறும் இடங்களில் பூஜைகள் செய்வதில் குறிப்பிட்டவர்கள் மட்டும் கலந்து கொள்ள வேண்டும்.
• இரவில் அங்கேயே தங்கியிருந்து பாதுகாத்து கொள்ள வேண்டும்.
• எந்தெந்த பகுதிகளில் ஊர்வலம் நடத்தப்படுகிறது, எங்கே தொடங்கி, எங்கே முடியும், யார் தலைமையில் நடைபெறுகிறது உள்ளிட்ட அனைத்து தகவல்களை முன்கூட்டியே எழுத்து மூலம் அருகில் உள்ள காவல் நிலையங்களில் தெரிவிக்கவேண்டும்.
• பொதுமக்களுக்கு இடையூறு இல்லாமல் விழாவை நடத்த வேண்டும்.
• விநாயகர் சிலைகள் வெறும் களிமண்ணால் மட்டுமே செய்யப்பட்டிருக்க வேண்டும்.
• அந்ததந்த பகுதிகளில் விளம்பர பேனர்கள் விழாவிற்கு முன்னதாக இரண்டு நாளும், விழாவிற்கு அடுத்து இரண்டு நாட்களும் வைத்துக்கொள்ள உயர் நீதிமன்றம் உத்தரவிட்டிருப்பதை கவனத்தில் கொண்டு போக்குவரத்துக்கு இடையூறு இல்லாமல் நடந்துகொள்ள வேண்டும்”, என்றார்.

இந்த ஆலோசனைக் கூட்டத்தில், காவல் ஆய்வாளர் பாலசுப்பிரமணியம், உதவி ஆய்வாளர் ஏ.அண்ணாதுரை, ஆகியோரும் திருத்தணி, ஆர்.கே.பேட்டை, அத்திமாஞ்சேரிப்பேட்டை, பள்ளிப்பட்டு, பொதட்டூர்பேட்டை, திருவாலங்காடு, கம்மாசத்திரம் உள்ளிட்ட பகுதியைச் சேர்ந்த அனைத்து கட்சியினர் கலந்துகொண்டனர்.

கருணாநிதியின் நாத்திக தாக்கத்தில் / இந்து விரோத போக்கில் வேலை செய்யும் போலீஸார், போலீஸ் அதிகாரிகள்: பூஜைப் பொருட்களின் விலையை அடாவடித்தனமாக உயர்த்தி விற்ப்பது, கிருத்துவர்[15]-முஸ்லீம்கள்[16] இந்த வியாபாரத்தில் ஈடுபட்டு கொள்ளையடிப்பது, முதலிய செயல்களும், இதில் கவனிக்க வேண்டியுள்ளது. தினமலர் கூட (பார்ப்பனப் பத்திரிக்கை என்று சொல்லப்படுகிறது), தலைப்புகளில் “விநாயகர்” என்று குறிப்பிடாமல், செய்திக்குள் விநாயகர் என்று குறிப்பிட்டிருப்பது, இவ்வாறான சேதங்கள் ஏற்படுத்தியிருப்பது, ஒருவேளை ஊடகங்களுக்கு விதிக்கப்பட்டுள்ளக் கட்டுப்பாடா? ரம்ஜானிற்கு வாழ்த்து தெரிவித்து, விநாயக சதுர்த்திற்கு வாழ்த்து தெரிவிக்காமல் இருப்பது, முதலியவை மறைமுகமாக சட்டம் ஒழுங்கு பாதுகாக்கும் அதிகாரிகளின் மீது நிச்சயமாக தாக்கத்தை ஏற்படுத்தும்.. ஏனெனில், கருணாநிதிக்கு பிடிக்கவில்லை, ஆகையால், நாமும் அவ்வாறே இருப்பதாகக் காட்டிக் கொள்ளவேண்டும் என்றுதான் நினைப்பார்கள். அத்தகைய போகுதான் கோவை போலீஸ் அதிகாரிகளிடம் காணப்படுகிறது எனலாம்.

வேதபிரகாஷ்

12-09-2010

[2] இது நிச்சயமாக, தொடருகின்ற பாரம்பரியங்களைத் தடுக்க மேற்கொள்ளும் முயற்ச்சிதான். இந்துக்களின் மத நம்பிக்கைகளை அவமதிக்கும் செயல்தான். இந்து அமைப்புகள், இதனை சட்டரீதியாக எடுத்து அதற்கான உரிய விடையைக் காணவேண்டும்.

[3] சட்டத்தை நிர்வாகிக்கின்ற அதிகாரிகள், இவ்வாறு பேசுவது-பேசியது வியப்பாக இருக்கிறது. இந்துக்களின் உரிமைகள் என்பதைப் பற்றியும், இந்த அதிகாரிகள் நினைத்துப் பார்க்க வேண்டும்.

[4] இந்த புகைப் படங்களை பிரசுரிக்காததும் வேடிக்கைத்தான். ஏனெனில், மற்ற விஷயங்களில் அத்தகைய படங்களை வெளியிட்டு இரக்கத்தை ஏற்படுத்த ஊடகங்கள் கையாளுகின்றனர். ஆனால், இந்துக்கள் என்று வரும்போது, ஏன் மறைக்கின்றனர் என்று தெரியவில்லை!

[5] இப்படி கைது செய்யப்படுவதற்கு அதிகாரம் உள்ளதா, இல்லையா, முதலியவற்றை சட்டம் தெரிந்த பெரியோர்கள்தாம் ஆராயவேண்டும்.

[6] தினமலர், இந்து முன்னணி பேனர் கிழிப்பு போலீஸ் ஸ்டேஷன் முற்றுகை, செப்டம்பர் 10, 2010, http://www.dinamalar.com/News_Detail.asp?Id=81436

[7] இதே முஸ்லீம்கள் என்றால், ஓடி வந்து விடுகிறார்களே, ஆனால் இந்துக்கள் என்றால், இப்படி ஆசுவாசமாக வந்து, நிதானமாக வருவார்கள் போலும்!

[8]

[9] இதற்கான ஆதாரங்களை, இவர் குறிப்பிடாவிட்டாலும், போலீஸாருக்கு நிச்சயமாக ரகசிய அறிக்கைக்கள் வந்திருக்கும். அந்நிலையில், இந்துக்களுக்காகத்தானே, உரிய பாதுகாப்புக் கொடுக்கப் பட்டிருக்க வேண்டும்?

[10] தினமலர், சிலை உடைப்பு, கல்வீச்சால் பதட்டம் :பழநியில் மர்ம நபர்களால் பரபரப்பு, ஆகஸ்ட் 24, 2010, http://www.dinamalar.com/News_Detail.asp?Id=69393

[11] தினமலர், பெருந்துறை அருகே கோவில் கோபுரத்தில் சிலைகள் சேதம் , செப்டம்பர் 01, 2010, http://www.dinamalar.com/News_Detail.asp?Id=75439

[12] தினமணி, சட்ட ஒழுங்கு பிரச்னை இல்லாமல் விநாயகர் சதுர்த்தி: அனைத்து கட்சிகளுடன் போலீஸ் ஆலோசனை,, 26 Aug 2010, http://www.dinamani.com/edition/Story.aspx?SectionName=Edition-Chennai&artid=293128&SectionID=135&MainSectionID=135&SEO=…………………… %88

[13] அப்பா, இத்தனை கண்டிஷன்கள் போட்டுமா, விநாயகர் ஊர்வலங்கள் நடத்துகிறார்கள்? ஆச்சரியமாகத்தான் உள்ளது. ஏனெனில், இவையெல்லாமே, மறைமுகமாக, அத்தகைய விழாக்களை நடக்கவிடாமல் தடுப்பதைப் போலத்தான் உள்ளது. அதாவது, மக்களின் விழா கொண்டாடும் மனப்பாங்கை, ஊக்கத்தைக் குலைப்பதாக உள்ளது.

[14] பாவம் போலீஸாருக்கு அது தெரியாது போலும், இதையும் மக்களே அவர்களுக்குத் தெரியப்படுத்த வேண்டும் போலும்!

[15] தாம்பரம், மைலாப்பூர், பழைய மாம்பலத்தில், கிருத்துவ வியாபாரிகள் களிமண் பிள்ளையார்களை ரூ.100/- விலை வைத்து கொள்ளையடிக்கிறார்கள். இப்பொழுது, இவர்கள் மொத்தமாக வாங்கி விற்ப்பதனால், மற்ற சிறு வியாபரிகள் குறைவான விலையில் விற்பதற்க்க்கும் முடியவில்லை. மேலும், லாரிகள்-வேன்களிலிருந்து இறக்கும்போது, சேதப்பட்டுள்ள பிள்ளையார்களை அங்குள்ள பெண்களிடம் கொடுத்து, விலை குறைவாக விற்கின்றனர்.

[16] பூ, வெற்றிலை, பாக்கு, பன்னீர் முதலிய வாசனைத் திரவியங்கள் முதலியவற்றில், இவர்கள்தாம் “ஒட்டு மொத்த வியாபாரம்” செய்கிறார்கள், இவர்கள் வைப்பதுதான் விலை! இவர்கள் நினைத்தால்க், ஒருவேளை, பூஜைக்கு வேண்டிய பொருட்களே மார்க்கெட்டில் வரவிடாமல் செய்துவிடலாம்! அந்த ஆலவிற்கு அவர்கள் ஆதிக்கத்தைச் செல்லுத்துகிறார்கள்!

ஐந்தாண்டுகள் போராடிய வீரபத்ரன் செட்டியார்:  ராமசாமி நாயக்கர் (எ) பெரியாரை மட்டுமல்லாது, மாஜிஸ்ட்ரேட், உயர்நீதிமன்றம் என்று அலைய வைத்து, உயர்நீதி மன்றத்திற்கு செல்லவைத்த, கீழ்கோர்ட்டார், மெத்தப் படித்த நீதிபதிகள் முதலியோரையும் எதிர்த்து, உச்சநீதி மன்றம் வரை சென்று நீதிபதிகளின் போலித்தனம் மற்றும் ராமசாமி நாயக்கர் (எ) பெரியாரின் முகத்திரையை அன்றே கிழித்துள்ளார். நீதிமன்றங்கள் என்றால் எங்களுக்கு பயமா, நாங்கள் பார்க்காத நீதிமன்றங்களா என்றெல்லாம் வாய் சவடால் விடும் இந்த வீரர்கலின் தலைவர், கோர்ட்டிற்கு செல்லாமலே ஓடி ஒளிந்து கொண்டார். அவ்வறாக சொல்வதே கோர்ட்டுதான்!

ராமசாமி நாயக்கர் (எ) பெரியார் ஓடி ஒளிந்ததைக் கண்டு உச்சநீதி மன்றமே வருத்தப்பட்டதாம்! இதுதான் அந்த சரித்திர முக்கியத்துவம் வாய்ந்த தீர்ப்பு. கோர்ட் சொல்வது “No one appeared for the respondents”! பிரதிவாதிகளின் தரப்பில் யாரும் ஆஜராகவில்லை! மற்றொரு இடத்தில் குறிப்பிட்டுள்ளதாவது, “It is regrettable that the respondents have remained ex parts in this Court.”!! “குற்றஞ்சாட்டப்பட்டவர்கள் நீதிமன்றத்திற்கு வராமலேயே இருந்தது வருத்ததிற்கு உகந்தது”, என்று சொல்வது உச்சநீதி மன்றத்தின் நீதிபதி!

ராமசாமி நாயக்கர் (எ) பெரியார் பிள்ளையார் விக்கிரகத்தை உடைத்தது, வழக்குப் போடப்பட்டது: எஸ். வீரபத்ரன் செட்டியார் என்பவர் இந்துமதத்திற்கு எதிராக பேசியும் எழுதிதியும் வருவதாக ராமசாமி நாயக்கர் மற்ற மூன்று நபர்கள் மீது ஜூன் 5, 1953 அன்று புகார் கொடுத்தார். அதுமட்டுமல்லாது மே 27, 1953 அன்று திருச்சி டவுன்ஹாலில் பிள்ளையார் சிலையை உடைப்பதாக சொல்லியிருப்பதால், சைவப்பிரிவைச் சேர்ந்த இந்து சமூகத்தினரது மனங்களில் பீதி, வருத்தம் மற்றும் உணர்ச்சிகள் கிளம்பியுள்ளன. அதுமட்டுமல்லாது, அன்று மாலை 5.30 அளவில் டவுன்ஹால் மைதானத்தில் ஒரு விக்கிரத்தை உடைத்து, அவதூறாக பேசியும் உள்ளார் என்று புகாரில் சொல்லப்பட்டது. இவ்வாறு பேசியது இந்திய குற்றவியல் சட்டத்தின் பிரிவுகள் 295 மற்றும் 295ஆ கீழ், மத உணர்வுகளைப் புண்படும் வகையில் உள்ளது என்ரு சொல்லப்பட்டது. மாஜிஸ்ட்ரேட் சர்கிள் இன்ஸ்பெக்டரை குற்றவியல் நடத்தை விதி பிரிவு 202ன் கீழ் விசாரிக்க ஆணையிட்டார். ஜூன் 26, 1953 அன்று, அறிக்கைக் கொடுக்க மாஜிஸ்டிரேட், “மண்ணால் செய்யப்பட்ட கணேசனுடைய விக்கிரம் புனிதமானதாகாது. அது கணேசனுடையது போன்று இருப்பதனால் அது புனிதமான வஸ்து ஆகாது. மக்களால் விடப்படுகின்ற விக்கிரங்கள் வழிபாட்டிற்கு ஆகாது. ஏனெனில் அத்தகைய விக்கிரங்கள் பல இடங்களில் காணப்படுகின்றன. ஆகவே ஒரு மனிதன் அத்தகைய விடப்பட்ட விக்கிரத்துடன் மோதினால் குற்றாமாக்சது. ஆகையால் இது இந்திய குற்றவியல் சட்டத்தின் பிரிவு 295 கீழ் குற்றாமாகாது”

செட்டியாரை அலையவிட்ட நயக்கருக்கு சாதகமான கீழ் கோர்ட்டார்: “குற்றஞ்ச்சாட்டப் பட்டவர் வேண்டுமென்றே, கெட்ட எண்ணத்துடன் மத உணர்வுகளைப் புண்படும் வகையில் பேசியிருந்தால், சந்தேகமில்லாமல், அது பிரிவு 295ஆ கீழ் குற்றம் தான்.  ஆனால், அத்தகைய புகார் கொடுக்க வேண்டுமானால், அரசாங்கத்தின் அனுமதி தேவைப் படுகிறது. அத்தகைய தகுந்த அனுமதி இல்லாததனால், இதற்கு மேல் இவ்வழக்கில் குற்றவியல் நடத்தை விதி பிரிவு 203ன் கீழ் தொடர ஆதாரம் இல்லை என்ற காரணத்தால் நிராகரிக்கிறேன்”

இதனால் வீரபத்ரன் செட்டியார், தனது புகாரை செஸன்ஸ் கோர்டிற்கு ஜூலை 9, 1953 அன்று எடுத்துச் செல்கிறார். ஆனால், ஜனவரி 12, 1954 அன்று நீதிபதி, வழக்கைத் தள்ளுபடி செய்கிறார், “மாஜிஸ்ட்ரேட் சொல்லியபடியே, அத்தகைய நடத்தைகள் குற்றாமாகாது என்று ஒப்புக்க் கொள்கிறேன். குற்றஞ்சாட்டப்பட்டவர் ஒரு பொதுகூட்டத்தை ஏற்பாடு செய்து, உருவ வழிபாட்டிற்கு எதிராகப் பிரச்சாரம் செய்து, மண்ணல் செய்யப் பட்ட கடவுள் கணேசனுடைய உருவத்தை உடைத்துள்ளார். அந்த உருவம் குற்றஞ்சாட்டப்பட்டவருடைய சொந்தப் பொருளாகும், ஆகையால் அது மற்றவர்களால் புனிதமாகக் கருதப்படும் பொருளாகாது. அதே மாதிரி, நானும், ஒரு நம்பிக்கையில்லாதவன், இம்மாதிரி நம்பிக்கையுள்ளவனை புண்படுத்த முடியும்ன் என்று நினைக்கவில்லை. ஆகையால் அது பிரிவு 295ஆ கீழ் குற்றம் தான் என பெய்பிக்க வேண்டிய கூறுகளுக்கு ஏற்றபடி இல்லை”.

இதனால், செட்டியார் உயர்நீதி மன்றத்தில் வழக்குத் தொடர்ந்தார். ஆனால் இங்கேயும் குற்றஞ்சாட்டப் பட்டவர்களின் மீது குற்றத்தை மெய்ப்பிக்க போதியா ஆதாரங்கள் காட்டப்படவில்லை, என்று சில வழக்கு உதாரணங்கள் மூலம் எடுத்துக் காட்டினார்.

(1) (1887) I.L.R. 10 All. 150.

(2) (1890) I.L.R. 117 Cal. 852.

உயர்நீதி மன்ற நீதிபதியும் அலைய விட்டார்; செட்டியார் இதற்கு எதிராக அப்பீல் / முறையீடு செய்ய தேவையான சான்றிதழ் கொடுக்குமாறு வேண்டிக் கொண்டார். ஆனால், இந்திய அரசியல் நிர்ணய சட்டத்தின் பிரிவு Art. 134(1)(c) கீழ், மேல்முறையீடு செல்வதற்கான வழக்கு இல்லை என்று மறுத்து விட்டார். ஆகையால், அவர் மறுபடியும் நீதிமன்றத்திற்கு சென்று, தேவையான அனுமதி பெற்றார். குற்றஞ்சாட்டப்பட்டவர்கள் நீதிமன்றத்திற்கு வராமலேயே இருந்தது வருத்ததிற்கு உகந்தது [It is regrettable that the respondents have remained ex parts in this Court.].

தீர்ப்பில் பதிவாகியுள்ள உச்சநீதி மன்றத்தின் கருத்து: இந்த வழக்கில், புண்படுத்தக்கூடிய செயல் நடந்துள்ளது என்று குற்றஞ்சாட்டப்பட்டுள்ளது என்னவென்றால், கடவுள் கணேசனுடைய உருவத்தை உடைத்துள்ளார்கள் என்பதாகும். அத்தாட்சி என்பதைவிட, இந்துக்களுக்கு கணேசனுடைய உருவம் அல்லது அம்மாதிரி, வழிபடுவதற்கு என்று ஸ்தாபிக்கப்பட்டாலும் இல்லையென்றாலும் புனிதமானது என்பது எல்லோருக்கும் தெரிந்த விஷயம்தான். கீழ்கோர்ட்டின் நீதிபதிகள் நிச்சயமாக சரத்தில் உள்ள வார்த்தைகளுக்கு மிகவும் குறுகிய அர்த்ததைக் கொண்டு அதற்கேற்றபடியான விளக்கத்தை அளித்துள்ளனர். அதாவது கோவிலில் உள்ள விக்கிரங்கள் அல்லது ஊர்வலத்தில், விழாக்களில் எடுத்துச் செல்லப்படகுடியவைதான், இந்த விளக்கத்தில் வரும் என்பது போல பொருள் கொண்டுள்ளர்கள். அத்தகைய குறுகிய விளக்கம் அளிக்க அச்சரத்தில், அத்தகைய வரையரைகள் கொடுக்கப்படவில்லை. ஆகையால், மெத்தப்படித்த நீதிபதி அத்தகைய தவறான வேலையில் பொருட்கொண்டுள்ளார்.

பைபிள், குரான், குரு கிரந்த சாஹப் முதலியவற்றேஐ எரித்தால் என்னாகும்? புனிதமான புத்தகம், பைபிள், குரான், குரு கிரந்த சாஹப் முதலியவையெல்லாம் இந்த வார்த்தைகளில் வரும். ஆக கீழ் கோர்ட்டாரின் திரிபுவாத விளக்கத்தின்படி பார்த்தால் அல்லது அவர்கள் சொன்னது சரியென்றால், அத்தகைய புனித நூல்களை அவமதிப்பு செய்தால், சேதப்படுத்தினால் அல்லது எரித்தால் இந்த சட்டப் பிரிவிலிலேயே வராது என்றாகும். ஆனால், எங்களுடைய கருத்தின்படி, அத்தகைய குறுகிய விளக்கம் மற்றும் அந்த வார்த்தைகளுக்கு அத்தகைய விளக்கத்தை வலியப் பெறுவது ஏற்படுத்தப்பட்டுள்ள எல்லா சட்டமுறைகளும் விரோதமானது ஆகும்.

புனிதமான எந்த வஸ்துவும் அவமதிக்கப்படக்கூடாது, சேதப்படக்கூடாது: எந்த வஸ்து, எவ்வளவு அற்பமேயாகிலும் அல்லது விலையில் மிகவும் குறைவானதாக இருந்தாலும், மற்றவர் அது புனிதமானது என்று மதித்தால், இந்த சட்டப்பிரிவில் வரும். அவமதிப்பவர்களை சட்டம் கவனித்துக் கொள்ளும். ஆகையால் அந்த புனிதமானதாக மதிக்கப்படும் வஸ்து, வழிபாட்டிற்குட்பட்டிருக்க வேண்டும் என்ற நிலை தேவையில்லை. ஆகையால் கீழ் கோர்ட்டார்கள் பலத்ரப்பட்ட மக்களின் மத உணர்வுகள், நம்பிக்கைகளை மதிக்காமல், விஷயத்தை மிகவும் சாதாரணமாக எடுத்துக் கொண்டு கொடுத்த புகாரை அணுகியுள்ளர்கள். இந்த பிரிவானது பலதரப்பட்ட மத நம்பிக்கையாளர்களின்  மத உணர்வுகள், நம்பிக்கைகளை மதிக்க ஏற்படுத்தப்பட்டு உள்ளதாகும். ஆகவே, கோர்ட்டாரே அத்தகைய நம்பிக்கைகளை ஏற்கிறார்களோ இல்லையோ, இத்தகைய விஷயங்களில் மற்றவர்களின் உணர்ச்சிகளை நம்பிக்கைகளை நிச்சயமாக மதிக்க வேண்டும். அத்தகைய விஷயங்களில் மிகவும் ஜாக்கிரதையாக இருக்க வேண்டும்.

பெரியார் செய்தது மென்மையான வார்த்தைகளில் சொல்வதானால், அது மிகவும் மட/முட்டாள் தனமானது: அகையால், நிச்சயமசக கீழ் கோர்ட்டார்கள் இந்திய குற்றவியல் சட்டத்தின் பிரிவு 295ல் உள்ள முக்கியமான வார்த்தைகளை தவறாகத்தான் விளக்கஙம் கொடுத்துள்ளார்கள். இருப்பினும் ஐந்தாண்டுகள் ஆகிவிட்டபடியினால், கீழ் கோர்ர்ட்டாருடன் மாறுபட்டாலும், வழக்கின் புகாரை விசாரிக்க வேண்டுமா என்று யோசிக்க வேண்டியுள்ளது. குற்றஞ்சாட்டப்பட்டவர்களின் நடத்தை உண்மையானால், மென்மையான வார்த்தைகளில் சொல்வதானால், அது மிகவும் மட/முட்டாள் தனமானது, இருப்பினும், இவ்வழக்கு காலந்தாழ்ந்து விட்டபடியால், விசாரிக்க ஆணையிடவில்லை. இருப்பினும் மறுபடியும் அத்தகைய முட்டாள்தனமன நடத்தை சமூகத்தின் எந்த பிரிவினராவது செய்ய முற்பட்டால், நிச்சயமாக சட்டம் மற்றும் ஒழுங்குமுறை கட்டுப்படித்த அவர்களின் மீது உரிய நடவடிக்கை எடுக்கவேண்டும். அதார்கு சட்டப்பிரிவுகள் பொறுந்தும் என்று நாங்கள் விளக்கம் கொடுத்துள்ளோம். அதன்படியே, இந்த வழக்கு தள்ளுபடி செய்யப்படுகிறது.

ராமசாமி நாயக்கர் (எ) பெரியாரை கடுமையாக விமர்சித்ததற்காக ஏன் மேல்முறையீடு செய்யவில்லை? உச்சநீதி மன்றம் இவ்வாறு கடுமையாக ராமசாமி நாயக்கர் (எ) பெரியாரை விமர்சனம் செய்ததற்கு, திட்டியதற்கு மேல்முறையீடு செய்யவில்லையே? அப்படியென்றால், “மென்மையான வார்த்தைகளில் சொல்வதானால், அது மிகவும் மட/முட்டாள் தனமானது”, என்றதை ஒப்புக்க்கொள்கிறார்களா? இன்றைக்கு திகவினர், பகுத்தறிவு புல்லர்கள், நாத்திக நொண்டிகள், உண்மைகளை மறைத்து எப்படி பொய்களைப் பரப்புகின்றனர் என்பதனை, இந்த உச்சநீதி மன்ற தீர்ப்பிலிருந்தே தெரிந்து கொள்ளலாம்.

வேதபிரகாஷ்

11-09-2010