கயமைத்தன சாமியார்களை பொறுத்துக் கொண்டிருக்க முடியாது-கருணாநிதி
http://thatstamil.oneindia.in/news/2010/03/04/karunanidhi-condems-fake-swamijis.html
“கயமைத்தன சாமியார்களின் ஏமாற்று வித்தைகளை பொறுத்துக் கொண்டிருக்க முடியாது”, என்று முதல்வர் கருணாநிதி கூறியுள்ளார். அவர் வெளியிட்டுள்ள அறிக்கை:
பகலில் சாமி-இரவில் காமி: “பகலில் சாமி-இரவில் காமியாகவும் வாழ்க்கை நடத்தி, பாமர மக்களின் வாழ்வையும் அறிவையும் பாழாக்கி வருகின்ற- பணக் கொள்ளை அடிக்கின்ற பகல் வேடக்காரர்களை; பாமர மக்களுக்கு அடையாளம் காட்ட- பகுத்தறிவு இயக்கம் பல்லாண்டு காலமாக, பல சான்றுகளைக் காட்டி, பலத்த எதிர்ப்புக்கிடையிலேயும் பிரச்சாரம் செய்து வந்தும்கூட, படக் காட்சிகள், நாடகங்கள் இவற்றின் வாயிலாக எண்ணற்ற எடுத்துக்காட்டுகளை சித்திரித்தும் கூட, உதாரணமாக படமாக வெளிவந்த சந்திரகாந்தா, சொர்க்கவாசல், மனோகரா, வேலைக்காரி, பராசக்தி, தூக்குமேடை போன்றவற்றில் அந்தக் காவியுடைதாரிகளின் கபட நாடகத்தை எடுத்துக் காட்டியும் கூட, இன்னமும் புரிந்து கொள்ள முடியாத- புரிந்து கொண்டாலும் திருந்திக் கொள்ள இயலாத- மௌடீகத்தில் மூழ்கியோர்- நாட்டில், சமூகத்தில் இருக்கத்தான் செய்கிறார்கள்.
“சமூக நலனும், கண்ணியமும் காக்கப்பட வேண்டுமென்று, அவற்றில் அக்கறை காட்டுகிற ஒரு மக்கள் நல அரசு அண்மையில் நடைபெற்றதாகக் கூறப்படுகிற; காட்சியாக்கி காட்டப்படுகிற; கயமைத்தன சாமியார்களின் ஏமாற்று வித்தைகளை பொறுத்துக் கொண்டிருக்க முடியாது.
தொலைகாட்சிகள் அளவுக்கு மீறும்போது – யார் கவலைப்பட்டார்கள்?: “அதே நேரத்தில் குற்றங்கள் நடைபெறுவதைவிட அந்தக் குற்றங்கள் எப்படி நடைபெற்றன- எங்கே யாரால் நடத்தப்பட்டன- எந்த முறையில் நடத்தப்பட்டன என்பதைச் சான்றாகக் காட்ட- வெளியிடப்டுகின்ற படங்களாயினும், செய்திகளாயினும் அவை அளவுக்கு மீறும்போது அவற்றை தொலைக்காட்சியிலோ பத்திரிகைகளிலோ படங்களாகப் பார்த்திடும் இளையோர் நெஞ்சங்களில் எத்தகைய மாறுதல்கள் ஏற்படும் என்பதையும், அது இளைய சமுதாயத்தை எங்கே கொண்டு போய் நிறுத்தம் என்பதையும் எதிர்காலத் தலைமுறையின் மீது அக்கறை கொண்டோர் அனைவரும் எண்ணிப் பார்த்து நடத்திட வேண்டுமென்று கேட்டுக்கொள்வது ஓர் அரசின் கடமையாகும்.
அந்தக் கடமையை செய்கின்ற அரசு- அந்தக் கடமையைச் செய்கின்ற நேரத்தில்- அந்தக் கடமை வெற்றி பெற அரசுக்கு ஒத்துழைப்பு தர வேண்டியது தான் அனைவரும் மேற்கொள்ளும் சூளுரையாக இருக்க வேண்டுமேயல்லாமல் ஒரு தீமையை விவரிப்பதின் மூலம்- அது மற்றொரு பெரிய தீமைக்கு வித்திடுவதாக ஆகக்கூடாது.
அண்மையில் வெளிவந்துள்ள செய்திகள், அதனைத் தொடர்ந்து வெளிவருகின்ற செய்திகள் எவையாயினும் அவற்றை விவரம் உணர்ந்தோர் அரசுக்கும்- அரசின் காவல் துறைக்கும் தெரிவிக்க வேண்டுமேயல்லாமல்- தாங்களே முன்னின்று அவற்றை வெளிச்சம் போட்டுக் காட்டுவது தேவையற்றது என்பது மட்டுமல்ல, இத்தகைய தீயவர்களுக்கு தங்கள் செயலை நியாயப்படுத்த வலிமை சேர்ப்பதாகவும் ஆகி விடும்.
“அருவருக்கத் தக்க செய்திகளை மற்றும் படங்களை வெளியிடுவது முள்ளை முள்ளால் எடுக்கும் காரியம் தானே” என்று சில ஏடுகளும், தொலைக்காட்சி நிறுவனங்களும் வாதிடலாம். முள்ளை முள்ளால் எடுக்கலாம். ஆனால் போதையேற்றும் கள்ளை அருந்தியவனை, மேலும் கள்ளையூற்றி திருத்தி முடியுமா? அது போலத்தான் இந்தச் செய்திகளும் படங்களும் சமூகத்தை மேலும் சீரழித்துவிடக் கூடாதே என்ற கவலையோடு அரசின் சார்பில் கேட்டுக்கொள்கிறேன்.
இது போன்ற ஏமாற்று வித்தைக்காரர்களையும், பக்தி வேடம் பூண்டு பாமர மக்களை படுகுழியில் தள்ளுகின்ற பகல் வேடக்காரர்களையும் அவர்களிடம் பலியாகி சமுதாயத்தைச் சீரழிக்கின்ற சபலபுத்தி உடையவர்களையும் இந்த அரசு வேடிக்கை பார்த்துக் கொண்டிருக்காது.
இந்த அரசு எடுக்கின்ற நடவடி கைகளுக்கு உண்மையிலேயே பகுத்தறிவு வளர்த்து ஊருக்கு உபதேசிகளை ஒழித்துக்கட்ட வேண்டுமென்று எண்ணுகின்ற ஒவ்வொருவரும் உறுதுணையாக இருக்க வேண்டுமென்று கேட்டுக் கொள்கிறேன் “, என்று கூறியுள்ளார் முதல்வர் கருணாநிதி.
நாத்திகம், பகுத்தறிவு முதலியன: இவற்றாலும், உள்ள நல்ல சிந்தனைகள், கருத்துகள் பாதிக்கப் பட்டன, அழிந்தன, ஒழிந்தன எனும்போது, அவர்களும் தங்களைப் பற்றி மறு பரிசீலினை செய்து கொள்ளவேண்டும். போலிச்சாமியார்களைப் பற்றி உரிமையோடு பேசும் இவர்கள் போலித்தனமான அரசியல்வாதிகளாக, போலி சமதர்மவாதிகளாக, போலி -செக்யூலரிஸ்டுகளாக இருப்பதை உணரவேண்டும். தமிழக மக்கள் தார்மீகமாக இவர்களால் எந்த அளவிற்கு பாதிக்கப் பட்டுள்ளனர் என்பதற்கு அவர்களே பொறுப்பாவார்கள்.
கிருத்துவ, மற்ற சாமியார்கள் உல்லாசத்தில் இருந்தபோது, ஏனிந்த கண்டிப்பு வீரம் வரவில்லை: இந்து-அல்லாத சாமியார்கள் எல்லாம் காவி ஆனிந்துகொண்டுதான் அயோக்கியத்தனம் செய்கிறான். அவர்களும் தான் காவிக்கட்டிக்கொண்டு “நந்தா” , “ஸ்வாமி” என்ற பெயர்களில் உலா வருகிறார்கள், ஆஸ்ரமம் நடத்துகிறார்கள், பாலியல் கலவி செய்கிறார்கள், வீடியோ, படங்கள் எடுக்கிறார்கள், ஏன் இணைத்தளங்களிலேயே போட்டுக் காட்டுகிறார்கள், ஆனால், அப்பொழுதெல்லாம் கருணாநிதிக்கு ஒன்றுமே வரவில்லையே? ஏன்?
- சன், நக்கீரன் முதலியவர்களுக்கு அப்பொழுது அப்படங்களை வெளியிடவில்லையே ஏன்?
- பல கிருத்துவ சாமியார்கள் பலான விஷயங்களில் ஈடுபடுகிறார்கள் என்ற செய்திகளுடன் நிறுத்திக் கொள்கிறார்களே ஏன்?
- வீடியோ அதாரங்கள் அங்கு ஏன் வருவதில்லை?
- ஏன் அங்கு வீடியோக்கள் வேலைசெய்யாதா?
- போலிகளிலும் கூட, இந்து-காவி சாமியார்களிடம்தான் வீடியோ பிடிக்குமா, வேலை செய்யுமா?
- ரஞ்சிதாக்களுக்கு அங்கும் குறைவில்லையே, பிறகு ஏன் அவை ஒளிப்பரப்பப்படுவதில்லை?
- இவ்வாறு, “பகலில் சாமி, இரவில் காமி” விஷயங்களில்கூட, நாங்கள் பலான மாதிரி பார்ப்போம், ……………..என்றால் அதென்ன காமித்தனம்?
பகுத்தறிவு தீவிரவாதம் 